មន្ដ្រីក្រុមហាម៉ាស់មួយរូបបានប្រាប់ ស៊ីនហួថា ចលនាហាម៉ាស់អ៊ិស្លាម និង ក្រុមសកម្មប្រយុទ្ធប៉ាឡេស្ទីនកាលពី រសៀលថ្ងៃពុធបានយល់ព្រមឈប់បាញ់ ជាមួយអ៊ីស្រាអែលរយៈពេល៥ម៉ោង នៅថ្ងៃព្រហស្បតិ៍តាមការស្នើសុំរបស់ អង្គការសហប្រជាជាតិដើម្បីទុកឱកាស នោះ
ផ្ដល់ជំនួយមនុស្សធម៌ ។ ក្នុងលក្ខខណ្ឌមិនបញ្ចេញឈ្មោះ មន្ដ្រី ម្នាក់បានលើកឡើងថា ក្រុមហាម៉ាស់ និងសកម្មប្រយុទ្ធប៉ាឡេស្ទីនបានយល់ ព្រមឈប់បាញ់រ៉ុក្កែតចូលទៅកាន់ទឹកដី អ៊ីស្រាអែលរយៈពេល៥ម៉ោងនៅថ្ងៃទី ១៧ ខែកក្កដា ឆ្នាំ២០១៤ ដើម្បីឆ្លើយតប នឹងគម្រោងរបស់អង្គការសហប្រជា ជាតិ។ ប៉ុន្ដែចលនាហាម៉ាស់ និងសកម្ម ប្រយុទ្ធប៉ាឡេស្ទីននឹងបាញ់តបតវិញ ប្រសិនបើអំឡុងពេលបទឈប់បាញ់នេះ មានការរំលោភពីអ៊ីស្រាអែលដោយ បាញ់ចូលទៅកាន់តំបន់ហ្គាហ្សានោះ ។
កម្លាំងការពារជាតិអ៊ីស្រាអែល (IDF) បានបញ្ជាក់ថា ខ្លួនអាចនឹងបើក ឱកាសឱ្យតំបន់ហ្គាហ្សាចាប់ពីវេលា ម៉ោង១០រហូតដល់ម៉ោង១៥ ថ្ងៃទី១៧ ខែកក្កដា ម៉ោងនៅក្នុងតំបន់ បន្ទាប់ពី មានការពិភាក្សាជាមួយអង្គការសហ ប្រជាជាតិ ។ ប៉ុន្ដែប្រសិនបើក្រុមហា- ម៉ាស់បំពាន់បទឈប់បាញ់ដើម្បីផ្ដល់ ជំនួយមនុស្សធម៌នេះ អ៊ីស្រាអែលនឹង បាញ់តបតវិញ ។
នេះជាបទឈប់បាញ់លើកដំបូងបំផុត ក្រោយពីការប្រយុទ្ធគ្នារវាងក្រុមសកម្ម ប្រយុទ្ធហាម៉ាស់ នឹងអ៊ីស្រាអែលតាំងពី សបា្ដហ៍កន្លងមកបណ្ដាលឱ្យជនប៉ាឡេ ស្ទីន២២៣នាក់បាត់បង់ជីវិត ។ អ៊ីស្រា អែលបានប្រតិបត្ដិការយ៉ាងខ្លាំងក្លា ដើម្បីបញ្ឈប់ការបាញ់ប្រហារដោយ គ្រាប់រ៉ុក្កែតបាញ់ចេញពីតំបន់ហ្គាហ្សា។ នៅមុនពេលយល់ព្រមឈប់បាញ់ រយៈពេល៥ម៉ោង ក្រុមហាម៉ាស់បាន ច្រានចោលសំណើឈប់បាញ់ជាមួយ អ៊ីស្រាអែលដែលស្នើឡើងដោយ អេហ្ស៊ីប ។
ការបដិសេធន៍នេះបានធ្វើឱ្យ លោកនាយករដ្ឋមន្ដ្រីអ៊ីស្រាអែល បេន ចាមីន ណេតាន់យ៉ាហ៊ូចេញមកប្រកាស ថា អ៊ីស្រាអែលអាចនឹងបង្កើនសកម្ម ភាពវាយប្រហារខ្លាំងក្លាជាងមុនថែម ទៀតប្រឆាំងក្រុមហាម៉ាស់ និងពួកឧទ្ទាម ស្ថិតនៅលើទឹកដីហ្គាហ្សាស្រ៉ីពរហូត ទល់តែក្រុមទាំងនោះបញ្ឈប់ការបាញ់ រ៉ុក្កែតចូលមកទឹកដីអ៊ីស្រាអែល 9
