តាកែវ ៖ ចម្ការកញ្ឆា២កន្លែង នៅស្រុកគីរីវង់ ត្រូវបានប៉ូលិសរុករកឃើញនិងកាប់បំផ្លាញចោល កាលពីរសៀលថ្ងៃទី១៧ទី១៧ ខែឧសភា ឆ្នាំ២០២០ ម៉ោង១៤និង៣០នាទី។
ដោយមានការចង្អុលបង្ហាញពីសំណាកលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ចំពោះការបង្ក្រាបលុបបំបាត់នូវដំណាំកញ្ឆាខុសច្បាប់ កម្លាំងជំនាញអធិការដ្ឋាននគរបាលស្រុកគីរីវង់ សហការជាមួយកម្លាំងប៉ុស្តិ៍នគរបាលរដ្ឋបាល ឃុំព្រៃអំពក បានចុះរុករកកាប់នឹងដុតបំផ្លាញចោល នៅនឹងកន្លែងដំណាំកញ្ឆា ដែលជនខិលខួចលួចដាំខុសច្បាប់ចំនួន០២ទីតាំងបន្ថែមទៀត ស្ថិតនៅចំណុចលើភ្នំដុបថ្មចង្ក្រាន ក្នុងភូមិសាស្ត្រ ឃុំព្រៃអំពក ស្រុកគីរីវង់ ខេត្តតាកែវ ដែលមានផ្ទៃដីប្រមាណ២៥០ម៉ែត្រការ៉េ។ 
ក្រោយការបង្ក្រាបដំណាំកញ្ឆាខុសច្បាប់នេះ បច្ចុប្បន្នកម្លាំងជំនាញកំពុងស្រាវជ្រាវស្វែងរកម្ចាស់ ដែលជាអ្នកដាំដុះ ដើម្បីយកមកផ្ដន្ទាទោសតាមច្បាប់ ៕
