បន្ទាយុមានជ័យៈ បុរស់ម្នាក់ដែលបានបាត់ខ្លួនរយៈពេល៣ថ្ងៃត្រូវបានក្រុមគ្រួសារប្រទះឃើញចងករស្លាប់នៅលើដើមអំពិលក្រោយផ្ទះកាលពីវេលាម៉ោង១១ និង៣០នាទី ថ្ងៃទី២៤ កក្កដា ២០១៤ ក្នុងភូមិរោងម៉ាស៊ីន ឃុំអូរអំបិល ក្រុងសិរីសោភ័ណ ខេត្តបន្ទាយមានជ័យ ។ តាមព័ត៍មានដែលទទួលបានពីប្អូនស្រីជនរងគ្រោះសុំមិនបញ្ចេញឈ្មោះបានអោយដឹងថា ជនរងគ្រោះមានឈ្មោះ ឡាត់ កុយ ភេទ ប្រុស អាយុ៣៤ឆ្នាំ រស់នៅ
ជាមួយឪពុកម្តាយ និងបងប្អូនក្នុងភូមិឃុំកើតហេតុខាងលើ ហើយជនរងគ្រោះបានបាត់ខ្លួនរយៈពេលបីថ្ងៃមកហើយ តែប៉ុន្មានថ្ងៃនេះឪពុកម្តាយមិននៅផ្ទះដោយចេញទៅជាមួយ បងប្រុសម្នាក់ទៀតរាងសរសៃប្រសាទ ។ នាងបញ្ចាក់បន្ថែមថា ជនរងគ្រោះដែលជាបងប្រុសរបស់នាងតែងតែខូចចិត្តនិងខ្លួនឯងគ្មានការងារធ្វើ និងប្រលងការងារអ្វីមិនដែលជាប់ ហើយចូលចិត្តផឹកស្រាពេលស្រវឹងតែងស្រែកឡូឡានិងពិបាកនិយាយគ្នា ។
លោក ស៊ីវ សុជាតិ អធិការក្រុងសិរីសោភ័ណបានអោយដឹងថា ពេលនេះខាងសមត្ថកិច្ចនៅមិនទាន់អាចសន្និដ្ឋានពីមូលហេតុពិតប្រាដក់ដែលបណ្តាជនរងគ្រោះធ្វើអតិឃាតនៅឡើយបានទេ ព្រោះ ក្រុមបចេ្ចកទេសដែលចុះធ្វើកោសល្យវិច្ច័យលើសាកសពជាក្រុមដែលមកពីថ្នាក់ខេត្ត ដូចនេះលោកត្រូវរងចាំយកឯកសាពីក្រុមបចេ្ចកទេសសិនទើបអាចធ្វើការសន្និដ្ឋានបានពីមុលហេតុពិតប្រដក់ ៕
