រថយន្តកាមរីបាឡែនបើកបុករថយន្តវិស្តូ និងបន្តទៅកិនម៉ូតូ ហើយរថយន្តមិនទាន់អស់ល្បឿន ជ្រុលទៅបុកបង្គោលភ្លើងមួយដើមរងការខូចខាត

ភ្នំពេញ៖បុរសម្នាក់ស្រវឹងស្រាជោគបើករថយន្តកាមរីបាឡែនមួយគ្រឿងក្នុងល្បឿនលឿន ជ្រុលបុក​រថយន្តវិស្តូរួចក៍រុញទៅកិនម៉ូតូសង់កូរ៉េ ហើយរថយន្តបង្កនៅមិនទាន់អស់ល្បឿន  ក៏ជ្រុលបុកបង្គោលភ្លើងមួយដើមទៀត​រង​ការខូចខាត

កាលពីវេលាម៉ោង២៣ និង៣០នាទីយប់ ថ្ងៃទី២៤ ខែកក្ដដា ឆ្នាំ២០១៤ នៅ​ចំ​ណុច​មុខផ្ទះ​លេខ៣៨ ផ្លូវ១៣៨ ស្ថិតក្នុងសង្កាត់ផ្សារដេប៉ូទី២ ខណ្ឌទួលគោក។

        តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ ស្រា​វឹង​ស្រាជោគ បើករថយន្តមួយគ្រឿងមាក កាមរីបាឡែន ពណ៌ទឹកប្រាក់ ភ្នំពេញ2Q-8001 ធ្វើដំ​ណើរ​តាមបណ្តោយផ្លូវលេខ​១៣៨ ក្នុងទិសដៅពីលិចទៅកើតក្នុងល្បឿនយ៉ាងលឿននិងរ៉េ​ពេញផ្លូវ​ លុះ​មក​ដល់ចំណុចកើតហេតុ​ស្រាប់តែជ្រុលបុករថយន្តម៉ាកវិស្តូ ពណ៌ក្រហម ពាក់ស្លាក​លេខ​ភ្នំពេញ​2T-1905 ដែលចតនៅមុខផ្ទះនិងរុញទៅកិនម៉ូតូសងកូរ៉េ មួយគ្រឿងទៀតរងការខូចខាត  ហើយ​រថយន្ត​បង្ក​នៅ​មិន​ទាន់​អស់ល្បឿនក៏ជ្រុលបុកបង្គោលភ្លើង បណ្លាឲ្យរថយន្តគាប់ជាប់រងកា​ខូចខាត​ផ្នែកខាងមុខ​ស្ទើរ​ទាំងស្រុង។

        សាក្សីដដែលបានបន្តថា ក្នុងហេតុការណ៍គ្រោះថ្នាក់ចរាចរណ៍ខាងលើនេះមិនបង្កឲ្យមាន​មនុស្ស​ណា​ម្នាក់រងរបួសនោះទេ ដោយសារពេលដែលគ្រោះថ្នាក់ម្ចាស់រថយន្តវីស្តូបានចូលទៅក្នុងផ្ទះ​បាត់​អស់ ចំណែកម្ចាស់រថយន្តកាមរីបាឡែន ត្រូវបានពោងសុវត្តិភាពផ្ទះចេញក្រៅការពាមិនឲ្យមាន​គ្រោះថ្នាក់។

        ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុសហការជាមួយនិងជំនាញ​ស្ទូចយករថយន្តទៅរក្សាទុកនៅករិយាល័យចរាចរណ៍ជើងគោកដើម្បីរងចាំដោះស្រាយតាមច្បាប់។គួបញ្ជាក់ផងដែថា ទាក់ទិននិងគ្រោះថ្នាក់ចរាចណ៍នេះបង្កឡើងដោយសារតែម្ចាស់រថយន្តកាមរីបាឡែន​បើកក្នុងស្ថានភាពស្រវឹងស្រាជោគជាំ និងក្នុងល្បឿនលឿនទើបបង្កោឲ្យមានគ្រោះថ្នាក់បែបនេះ៕