កំពង់ស្ពឺ៖ សារមន្ទីរនរៈបូរី នេះស្ថិតនៅតាមដងផ្លូវជាតិលេខ៤ ត្រង់ចំណុចភូមិចំបក់ ឃុំវល្លិ៍ស ស្រុកសំរោងទងខេត្តកំពង់ស្ពឺដែលមានផ្ទៃដីសរុបប្រម៉ាណ ជាង៤ហិតានិងសាងសង់ចំនួន៣អាគារធំជាលក្ខណះគ្រប់សមយ័កាលនៃបុព្ធបុរសខ្មែរ។ ហើយសារមន្ទីរនរៈបូរីគ្រប់គ្រងជាលក្ខណះគ្រួសាររបស់ឯកត្តម នរះ រតនះវឌ្ឍនោ និងលោក ជំទាវ សូ សុគន្ធារី ដែលឯកឧត្តមមានមុខងាររដ្ឋលេខា ធិការក្រសួងធម្មការនិងសាសនា។
សារមន្ទីរនេះត្រូវបានសាងសង់ឡើងជាលក្ខណគ្រួសារមួយក្នុងបំណងទុក ជាសម្បត្តិផ្ទាល់ខ្លួនរបស់គាត់ផង ហើយនិងជាការចូលរួមចំណែករក្សាទុកនូវបេតិកភណ្ឌសម្បត្តិវប្បធម៌ជាតិ ឲ្យគង់វង្សផងដែរបើទោះបីសារមន្ទីរនរៈបូរី នេះមិនសូវមានសម្បត្តិវប្បធម៏មានតំលៃក្តីតែបាន បង្ហាញថាសម្បត្តិដែលសល់ពីដូនតាទាំងប៉ុន្មានត្រូវបានសាងឡើងក្នុងនៃឲ្យក្មេងៗជំនាន់ក្រោយបានស្គាល់។ 
សារមន្ទីរនរះបូរីមានវត្ថុបុរាណតាំងពីបុរេប្រវត្ត រហូតមកដល់បច្ចុប្បន្ននេះហើយវត្ថុទាំងនោះភាគច្រើនដូចជារូបដិមា ធ្វើអំពីឈើ ពីថ្មនិងមានកូលាភាជដែលសរុបទាំងអស់មានរាប់ពាន់វត្ថុបុរាណដែលបានសាង សង់យកគំរូនាសមយ័ដើមផងដែរ។ ហើយនៅក្នុងសារមន្ទីរនេះគេបានដាក់តាំងនូវវត្ថុជាច្រើនប្រភេទធ្វើ អំពីថ្មភក់ ថ្មភ្នំ ពីឈើ ដូចជា ព្រះពុទ្ធប្បដិមា រូបចម្លាក់ព្រះបាទ ជយវរ្ម័នទី ៧ រូបឆ្មាំប្រាសាទ រូបនាងចេកនាងចម ៘ និង វត្ថុប្រើប្រាស់ពីជំនាន់បុរាណត្រូវបានឯកត្តម នរះ រតនះវឌ្ឍនោ ដើរប្រមូលទិញយកមកដាក់ក្នុង សារមន្ទីរនរះបូរី ទុកឲ្យទស្សនា រួមមានឆ្នាំងស្ពាន់ កុលាលភាជន៍ ឬ ចាន ឆ្នាំងធ្វើពីដីឥដ្ឋ ក្រឡ ពួច ចង្កៀងជាដើម ។ 
ក្រៅពីនេះទៀតមានក្បាច់ ចម្លាក់តុ ទូ កៅអី ដែលធ្វើពីឈើពីគល់ឈើធំៗដែលជាស្នាដៃខ្មែរពិតៗខ្លះមានអាយុកាល ជាច្រើនឆ្នាំ ខ្លះទៀតទើបបានកសាងនាពេលនេះតាមរចនាបទដើម ។ នៅមានសំបកសត្វអំពីសំបកខ្យងឬលៀសសមុទ្រ បានបង្ហាញពីស្នាដៃយ៉ាងរស់ រវើករបស់កូនខ្មែរវត្ថុទាំងអស់នេះត្រូវបានគេតម្កល់ទុកដាក់ដោយឡែកពីគ្នាយ៉ាងមានរបៀបរៀបរយតាមជួរតាមខ្នាតឥតខ្ចោះដែលធ្វើឲ្យអ្នកដែលបានចូលមកទស្សនាម្នាក់ៗគយគន់ស្ទើមិនដាក់ភ្នែកពីការរៀបចំរបស់អ្នកគ្រប់គ្រងសារមន្ទីរនរះបូរី ។ 
បើយើងក្រឡេកមើលនៅតាមថែវនីមួយៗឬជ្រុងនិមួយៗ នៃសារមន្ទីរនោះទើបបានដឹងថាស្នាដៃអ្នកស្ថាបនាមានភាពល្អទាំងខាងចម្លាក់ក្បូរក្បាច់តាមរូបនានានៅតាមប្រសាទបុរាណ្យខ្មែរដែលអ្នកទស្សនាហាក់បានឃើញដោយផ្ទាល់ភ្នែកនៅប្រសាទទាំងនោះនូវចំពោះមុខ។ វត្ថុទាំងប៉ុន្មាននេះ មុននឹងបានយកមកដាក់តាំងនៅក្នុងសារ មន្ទីរនេះ ត្រូវបានឯកត្តម នរះ រតនះវឌ្ឍនោ និងលោក ជំទាវ សូ សុគន្ធារី ជាម្ចាស់ប្រមែប្រមូលទិញពីអ្នកស្រុកនៅតាម ខេត្តផ្សេងៗតាំងពីក្រោយប្រទេសជាតិបានរំដោះពីរបបខ្មែរ ក្រហមឆ្នាំ ១៩៧៩ មកម្ល៉េះ ។ ហើយនៅក្នុងសារ មន្ទីរនេះនៅមានត្រីឆ្តោយក្សដែលបាននាំចូលពីតំបន់ (អាម៉ាហ្សូន) មានទម្ងន់មួយក្បាលរហូតជាង១០០គីឡូក្រាម ដាក់តាំងជូនភ្ញៀវ ទស្សនា។ 
បងស្រីដែលបំរើការផ្នែកលក់ដូរក្នុងសារមន្ទីរនេះបានឲ្យដឹងថា ជារៀងរាល់ថ្ងៃគាត់សង្កេតឃើញថា ភ្ញៀវដែលចូលមកទស្សនា ដែលសំបូរ ជាងគេគឺថ្ងៃអាទិត្យ ហើយភាគច្រើននៃទស្សនានោះជាសិស្សឬអ្នកធ្វើកម្មការ សិក្ស ឬជានិសិត្ស ។ដោយឡែកប្រជាពលរដ្ឋនិងព្រះសង្សក៏មានបានចូល ទស្សនាស្ទើមិនលោះថ្ងៃដែរ។ យោងតាមការឲ្យដឹងពីអ្នកគ្រប់គ្រងសារមន្ទីរនរៈបូរីនេះបានឲ្យដឹងថាសារមន្ទីរបានកសាងឡើងផ្ទៃដីជាង៤ហិតា និងចែកចេញជាបីអាគារធំៗមួយអាគារ សម្រាប់ លក់ម្ហូបអាហារនិង២អាគារទៀតសម្រាប់តាំងវត្ថុបុរាណ្យទុកភ្ញៀវ ទស្សនា ។ 
ប្រភពបន្តថា តំលៃលក់សំបុត្រធម្មតាត្រឹម ២០០០រៀល ក្នុង ម្នាក់ តែម្ចាស់សារមន្ទីរនរៈបូរី ឯកត្តម នរះ រតនះវឌ្ឍនោ បានបញ្ជុះតំលៃពិសេសជូនដល់ក្មួយៗ ដែលជាកម្មសិក្សាថ្នាក់ជាតិដែលបាន ទំនាក់ទំនងជាមុន ក្នុងនោះចំពោះជនពិការនិងព្រះម្ចាស់សារមន្ទីរមិនលក់ សំបុត្រទេគឺអនុញ្ញាតិឲ្យចូលទស្សនាដោយមិនយកប្រាក់ឡើយ។ តាមធម្មតាសារមន្ទីរនរៈបូរីរបស់ ឯកត្តម នរះ រតនះវឌ្ឍនោ បានខាតជារៀងរាល់ទៅលើថ្លៃបង់ទឹកបង់ភ្លើង និងអ្នកថែទាំ តែដោយការស្រឡាញ់ប្រពៃណីនិងវប្បធម៏ជាតិលោកបានលះបង់នៅកំលាំងពលកម្មនិងប្រាក់កាសផ្ទាល់ខ្លួនមកទិញសម្ភារះចាស់ៗបុរាណ្យមកដាក់តាំងទុកជូនអ្នកជំនាន់ក្រោយបានឃើញនិងស្វែងយល់ពីវប្បធម៏ជាតិ៕
