(ឧត្តរមានជ័យ)សាច់មាន់ជាប់ឆ្អឹង ជើងមាន់និងប្រហិតខូចគុណភាព រាប់រយគីឡូ.ក្រាមដែលលួចលាក់តាមរថយន្តនិងតាម រទេះចូលតាមច្រកអន្តរជាតិជាំ ត្រូវបានកម្លាំងចំរុះ ចាប់បង្កាបដុតកំទេចចោល។ហេតុការកម្លាំងចំរុះ ចាប់បង្ក្រាបសាច់មាន់ជាប់ឆ្អឹង ជើងមាន់ និងប្រហិតនោះ បានកើតឡើងកាលពីព្រឹកថ្ងៃទី១៤ខែសីហាឆ្នាំ២០១៤នៅចំណុច ច្រកអន្តរជាតិជាំស្ថិតនៅក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ កម្លាំងចូលរួមមាន កាំកុងត្រូល. គយ ទីស្នាក់ការច្រកនិង ប៉ូលិសអន្តោប្រវេសន៍។
លោកឃីវ ចាន់សុខុមប្រធានសាខាកាំកុងត្រូលខេត្តឧត្តរមានជ័យ បានឲ្យកម្ពុជាថ្មីដឹងថាសាច់មាន់ជាប់ឆ្អឹង ជើងមាន់និងប្រហិត ខូចគុណភាពតែងតែមានការលួចលាក់តាមរថយន្តនិងតាមរទេះ កប់ខាងក្រោម អីវ៉ាន់យកទៅលក់ ចែកចាយនៅក្នុងទីរួមខេត្តនិងតាមបណ្តាលស្រុក ហើយរហូតយកទៅលក់ដល់ខេត្តសៀមរាបទៀតផង។លោកឃីវ ចាន់ សុខុមប្រធានសាខាកាំកុងត្រូលខេត្តបានបន្តទៀតថា សាច់មាន់ជាប់ឆ្អឹង ជើងមាន់និងប្រហិតទាំងនោះ គឺគេដាក់ជាតិ គីមីដើម្បី រក្សាទុកបានយូរដើម្បីកំឲ្យស្អុយ ត្រង់នេះហើយដែលប្រជាពលរដ្ថមិនដឹងចេះតែ ហូប
ធើ្វមានជំងឺជាច្រើនមុខទៀតផង ភាគច្រើនគឺប្រជាពលរដ្ថដែលនៅឆ្ងាយពីទីរួមស្រុកដែលមានការខ្វះខាតចេះតែទិញយកទៅហូបមិនដឹងពីផល ប៉ះពាល់អ្វីទាំងអស់ឲ្យតែថោកចេះតែហូបហើយ។លោកឃីវ ចាន់សុ ខុម ប្រធានសាខាកាំកុងត្រូលខេត្តបានបន្តទៀតថា កម្លាំងចំរុះខិតខំចាប់បង្ក្រាបយ៉ាងណាក៏ដោយក៏នៅតែមានការលួចលាក់យកចូលតាមច្រករបៀនដែល ក៏ ទើស្បីយ៉ាងណាក៏ដោយ កម្លាំងចំរុះនៅឈរជើងតាមច្រកត្រូវតែចាប់បង្ក្រាបជារៀងរាល់ថ្ងៃ។
លោកឃីវ ចាន់សុ ខុមបានបន្តឲ្យដឹងទៀតថា ក្នុងការចាប់បង្ក្រាបនោះ គឺមានសាច់មាន់ជាប់ឆ្អឹងនិងជើងមាន់មានចំនួន៩៥គីឡូក្រាមនិងប្រហិតគ្រប់ប្រភេទចំនួន៣០គីឡូក្រាម ហើយសាច់មាន់ ជើងមាន់និងប្រហិតជាច្រើនមុខត្រូវបានដុតកំទេចចោលនៅខាងក្រោយទីស្នាក់ការរីឯម្ចាស់ បានធ្វើការអប់រំ សូមឲ្យ បញ្ឈប់នាំចូលសាច់មាន់ ជើងមាន់និងប្រហិតខូចគុណភាពបន្តទៀត បើថ្ងៃក្រោយកម្លាំងលោកចាប់ទៀតនិងធ្វើការពិន័យឲ្យចាស់ដៃតែម្តង។
