ខេត្តព្រះសីហនុ៖លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ និងលោកជំទាវ ហេង គីមជី នាថ្ងៃទី២១ ខែ កញ្ញាឆ្នាំ ២០២១បាននាំយកកុំព្យូទ័រ Desktop ចំនួន០៥គ្រឿង ឧបត្ថម្ភដល់សាលាទ័ពជើងទឹកសម្រាប់ប្រើប្រាស់ជួយសម្រួលដល់ការបំពេញភារកិច្ចរបស់យោធិន។
លោកវរនាវីទោ ជើង ឆាយ នាយកសាលាទ័ពជើងទឹក ព្រមទាំង លោកនាយករង យោធាចារ្យ បុគ្គលិក នាយផ្នែក នាយរងផ្នែក និងពលនាវិកសាលាទ័ពជើងទឹកទាំងអស់ បានថ្លែងអំណរអរគុណ ចំពោះទឹកចិត្តរបស់ លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ និងលោកជំទាវ ហេង គីមជី ដែលលោកទាំងពីរតែងតែមានទឹកចិត្តសប្បុរស គិតគូរយកចិត្តទុកដាក់ និងតែងតែបានជួយឧបត្ថម្ភ ដល់សាលាទ័ពជើងទឹក រហូតមកដល់ពេលនេះ។
ដោយឡែកសំរាប់លោក ទៀ សីហា អភិបាលខេត្តសៀមរាបវិញនាយប់ ថ្ងៃទី២១កញ្ញា ឆ្នាំ ២០២១នេះ ក៏បានផ្ញើរសារផងដែរថ្លែងអំណរគុណ លោកឧកញ៉ា ទៀ វិចិត្រ និងលោកជំទាវ ព្រមទាំងបុត្រា បុត្រី ខណៈ លោក ឧកញ៉ា ទៀ វិចិត្រ និងលោកជំទាវបាន ឧបត្ថម្ភថវិកា ៣០,០០០ដុល្លារ ជូនរដ្ឋបាលខេត្តសៀមរាប ក្នុង គ្រាដែលជួបកាលំបាក សម្រាប់រៀបចំគ្រែជូនអ្នកជំងឺក្នុងមណ្ឌលព្យាបាលកូវីដ-១៩ ក្នុងក្រុងសៀមរាប។
ជាមួយគ្នានេះលោក ទៀ សីហា អភិបាលខេត្តសៀមរាបក៏បានជួនពរផងដែរទៅដល់ ក្រុមគ្រូសារលោក ឧកញ្ញ៉ា និង លោកជំនាវ សូមប្រកបដោយពុទ្ធពរទាំង៤ប្រការ គឺ អាយុ វណ្ណៈ សុខៈពលៈកុំបីឃ្លៀងឃ្លាតឡើយ៕
ដោយនាគសមុទ្រ
