សៀមរាប : នៅព្រឹកថ្ងៃទី២៥ខែសីហាឆ្នាំ២០១៤នេះនៅសាលាឃុំខ្វាវស្រុកជីក្រែង ខេត្តសៀមរាប បានបើកកិច្ចប្រជុំមួយដើម្បីបូកសរុបលទ្ធផលការងារដែលបានអនុវត្តន៏កន្លងមក ។ សមាជិកចូលរួមប្រជុំចំនួន៣៧នាក់ បន្ទាប់ពី លោកគុញ ហ៊តមេឃុំខ្វាវបានឡើងមានមតិស្វាគមន៏ក្នុងអង្គប្រជុំរួចមក លោកបានឲ្យមន្ត្រីទាំងអស់ដែលបានមកចូលរួមប្រជុំឡើងបង្ហាញមុខ ឧទេ្ទសនាមឈ្មោះ អង្គភាពដើម្បីឲ្យសមាជិកដែលមកចូលរួមប្រជុំស្គាល់គ្នា ងាយស្រួលក្នុងការសហការគ្នាធ្វើការងារនៅក្នុងតំបន់ដែលខ្លួនឈរជើង។ បន្តលោកសំណូមពរឲ្យអង្គភាពនិមួយៗរាយការពីសកម្មភាពការងារដែលបានអនុវត្តកន្លងមក។ 
លោកគង់ សុគន្ធាប្រធានស្នាក់ការបរិស្ថានខ្វាវបានរាយការណ៍អំពីការងារដែលអង្គភាពលោកអនុវត្តកន្លងមកក្នុងខែសីហាឆ្នាំ២០១៤ចុះល្បាតទប់ស្កាត់បទល្មើសព្រៃឈើក្នុងដែនជំរកសត្វព្រៃបឹងពែរ និង ព្រៃសហគមន៏បានចំនួន៤លើក លទ្ធផលចាប់បានរណាយន្តចំនួន២គ្រឿង ប្រេងសាំងចំនួន១០លីត្រ និង ឲ្យជនល្មើសធ្វើកិច្ចសន្យាឈប់លបលួចចូលទៅប្រព្រឹត្តបទល្មើសក្នុងដែនជំរកសត្វ និង ព្រៃសហគមន៏បន្តទៀត។ លោកបានសំណូមពរឲ្យលោកមេឃុំជួយមានវិធានការទប់ស្កាត់ប្រជាពលរដ្ឋក្នុងឃុំគំឲ្យចូលទៅកាប់បំផ្លាញព្រៃឈើក្នុងព្រៃសហគមន៏។
លោកភោគ វរះ ប្រធានរដ្ឋបាលព្រៃឈើពង្រលើ . ខ្វាវ បានឡើងរាយការណ៍ជូនអង្គប្រជុំអំពីការងាររដ្ឋបាលព្រៃឈើ លោកបានបញ្ជាក់ថា៖ រដ្ឋបាលព្រៃឈើមានភារះកិច្ចគ្រប់គ្រងព្រៃឈើ សត្វព្រៃក្នុងដែនសមត្ថកិច្ចរបស់ខ្លួនទទួលខុសត្រូវមានផ្ទៃដី៩៣ពាន់ហិតា ក្នុងនោះមានដីសហគមន៏២៣០ហិតា ដីព្រៃពូជ៦៥ហិតា ក្នុងដីសហគមន៏មានប្រជាពលរដ្ឋរស់នៅចំនួន១៧២គ្រួរសារ។ បានចុះល្បាតការពារព្រៃពូជ និង ចុះធ្វើកិច្ចសន្យាតាមដេប៉ូឈើក្នុងស្រុកជីក្រែងឲ្យម្ចាស់ដេប៉ូទៅធ្វើច្បាប់ទិញ លក់ ឲ្យបានត្រឹមត្រូវ។
លោកបានសំសំណូមពរដល់លោកមេឃុំមេត្តាជួយទប់ស្កាត់ប្រជាពលរដ្ឋដែលទៅកាប់ព្រៃ រានដីក្នុងព្រៃសហគមន៏យកមកធ្វើកម្មសិទ្ធ និង កាប់បំផ្លាញព្រៃពូជ ។ ក្រោយពីបានស្តាប់របាយការណ៏តាមបណ្តាស្ថាប័ននិង លោកមេភូមិរាយការណ៏ជូនរួចមក លោកមេឃុំបានធ្វើការបូកសរុប និង លើកសរសើរថា៖ អង្គប្រជុំរបស់យើងក្នុងថ្ងៃនេះប្រព្រឹត្តទៅបានយ៉ាងរលូន និង ទទួលបានលទ្ធផលផ្លែផ្កាជាទីមោទនះ. បន្តលោកបានសំណូមពរដល់ស្ថាប័នបរិស្ថាន រដ្ឋបាលព្រៃឈើ ជួយទប់ស្កាត់ឲ្យបានអំពីបញ្ហាឡធ្យូង និងជួយការពារព្រៃសហគមន៏ព្រមទាំងព្រៃពូជ.។
ផ្នែកសន្តិសុខត្រូវជួយទប់ស្កាត់ឲ្យបានអំពីបញ្ហាគ្រឿងញៀន ចោរ និង ល្បែងស៊ីសង ឥឡូវនេះវាកំពុងតែហូរចូលក្នុងមូលដ្ឋានយើងហើយ។ ផ្នែកអប់រំត្រូវត្រៀមលោកគ្រូ អ្នកគ្រូព្រោះជិតដល់ថ្ងៃចូលកងហើយ។ រាល់សំណូមពរមកពីស្ថាប័ននានា និង លោកមេភូមិ លោកមេឃុំនិងយកដាក់ជូនក្រុមប្រឹក្សាធ្វើការពិភាក្សារកផ្លូវដោះស្រាយ ។ចុងក្រោយលោកមេឃុំសំណូពរដល់សមត្ថកិច្ចទាំងអស់ដែលបានមកនៅឈរជើងធ្វើការក្នុងមូលដ្ឋានឃុំរបស់លោកសូមឲ្យយកអាជា្ញប័ណឬលិខិតបេសកកម្មហ្វូតូ១នាក់១ច្បាប់មកតម្កល់ទុកនៅសាលាឃុំដើម្បីងាយស្រួលក្នុងការធ្វើការងារ។ ជាពិសេសទៅទៀតលោកបានសំណូមពរទាំងសមត្ថកិច្ច ទាំងអាជ្ញាធរភូមិឃុំត្រូវចេះសាមគី្គគ្នាឲ្យបានល្អជៀសវាងការប្រេះឆារ។(ដោយ ព្រំ សុខា)
