ឧទ្ធម្ភាគចក្រមួយគ្រឿងរបស់អង្គការសហប្រជាជាតិ (អ.ស.ប) នៅស៊ូដង់ ភាគខាងត្បូងបានធ្លាក់កាលពីថ្ងៃទី២៦ ខែសីហា បណ្ដាលឱ្យក្រុមអាកាសយានិក ៣នាក់ស្លាប់ ។ លោក Toby Lanzer មន្ដ្រីទទួលបន្ទុក កងកម្លាំងរក្សាសន្ដិភាពរបស់អ.ស.ប នៅស៊ូដង់ខាងត្បូងបានឱ្យដឹងថា ឧទ្ធម្ភាគ ចក្រដែលជួបគ្រោះថ្នាក់ហោះហើរចេញ ពីតំបន់ Wau ស្ថិតនៅភាគនិរតីឆ្ពោះទៅ កាន់ទីក្រុង Bentiu ។ ទីក្រុង Bentiu ស្ថិត នៅក្នុងរដ្ឋ Unity ជាតំបន់ផលិតប្រេង ដ៏ធំបំផុតនៅក្នុងប្រទេសទ្វីបអាហ្វ្រិក មួយនេះ ។ អំពើហិង្សាការវាយប្រហារ គ្នាកាន់តែកើតឡើងនៅក្នុងតំបន់នេះ ដោយសារតែដណ្ដើមសិទ្ធិគ្រប់គ្រង ដណ្ដូងប្រេងដ៏សំខាន់នៅទីនោះ ។
ឧទ្ធម្ភាគចក្រដែលរងគ្រោះជាប្រភេទ Mi-8 ដែលអង្គការសហប្រជាជាតិជួល ពីក្រុមហ៊ុនមួយរបស់រុស្ស៊ីក្នុងការបំពេញ បេសកកម្មនៅស៊ូដង់ ។ ឧទ្ធម្ភាគចក្រ នោះ រងការបាញ់ទម្លាក់ពេលហោះហើរ ឆ្លងកាត់តំបន់ក្ដៅនៃសង្គ្រាមស៊ីវិលនៅ ស៊ូដង់ខាងត្បូង ។ នៅពេលនេះ អ្នក ឯកទេសរបស់អ.ស.បកំពុងទៅកាន់កន្លែង កើតហេតុ ស្រាវជ្រាវពីករណីខាងលើ ឱ្យបានច្បាស់ ។ កម្លាំងរក្សាសន្ដិភាពរបស់អ.ស.ប នៅស៊ូដង់ខាងត្បូង ត្រូវបានបង្កើតឡើង ក្រោយពេលទទួលបានសេរីភាពពេញ លេញនៅឆ្នាំ២០១១ ដល់កម្លាំងទាហាន អ.ស.បមានតួនាទីការពារពលរដ្ឋស្លូត ត្រង់ ។ មកទល់ពេលនេះ មានពលរដ្ឋ ជាង១ម៉ឺននាក់បាត់បង់ជិវិត ដោយសារ ការសង្គ្រាមស៊ីវល ការប៉ះទង្គិចគ្នានៅ ស៊ូដង់ខាងត្បូង
