មកទល់ពេលនេះបុគ្គលិកក្រុមហ៊ុន អាកាសចរណ៍ម៉ាឡេស៊ីអ៊ែរឡាញជិត ២០០នាក់ រួមទាំងអាកាសយានិកផង ដែរបានដាក់លិខិតសុំឈប់ពីការងារ ក្រោយគ្រោះថ្នាក់ជាបន្ដបន្ទាប់នៅក្នុង ឆ្នាំ២០១៤ធ្វើឱ្យក្រុមហ៊ុនប្រឈមនឹង កង្វះបុគ្គលិយ៉ាងខ្លាំង ។ ក្រុមហ៊ុនម៉ាឡេស៊ីអ៊ែរឡាញបាន បញ្ជាក់ថា បុគ្គលិកដល់ទៅ១៨៦នាក់ បានសុំឈប់ពីការងារ ក្នុងរយៈពេល៧ខែ ដើមឆ្នាំ២០១៤ ក្រោយហេតុការណ៍បាត់ យន្ដហោះ MH-370 កាលពីថ្ងៃទី៨ ខែ មីនា និងយន្ដហោះ MH-17 រងការបាញ់ ទម្លាក់នៅអ៊ុយក្រែន កាលពីថ្ងៃទី១៧ ខែ កក្កដា សរុបមានអ្នកស្លាប់ដល់ទៅ ៥៣៧នាក់ ។ 
បុគ្គលិកក្រុមហ៊ុនអាកាសចរណ៍ ម៉ាឡេស៊ីដែលដាក់លិខិតសុំលាឈប់ពី ការងារបានរៀបរាប់ឱ្យដឹងថា មូលហេតុ ដែលពួកគេសុំឈប់ពីការងារនោះដោយ ព្រួយបារម្ភពីសុវត្ថិភាពផ្ទាល់ខ្លួន ហើយ មួយទៀតរងសម្ពាធពីក្រុមគ្រួសារបង្ខំឱ្យ ឈប់ធ្វើការ ដោយសារគ្រោះថ្នាក់កើត ឡើងផ្ទួនៗគ្នា ។ ក្រុមហ៊ុនអាកាសចរណ៍ម៉ាឡេស៊ី អ៊ែរឡាញប្រកាសថា ក្រោយយន្ដហោះ MH-17 ជួបគ្រោះថ្នាក់ បុគ្គលិកក្រុម ហ៊ុនបានបោះបង់ការងារជាច្រើន ។
ប៉ុន្ដែ ចំនួនបុគ្គលិកដែលនៅសេសសល់អាច នៅតែបន្ដបម្រើការបានដូចធម្មតា ។ លោក Abdul Makek Ariff អគ្គ នាយករងក្រុមហ៊ុនអាកាសចរណ៍ម៉ាឡេ ស៊ីអ៊ែរឡាញបានឱ្យដឹងថា បុគ្គលិក និង អាកាសយានិកជាច្រើនពេលនេះមាន អារម្មណ៍ភ័យខ្លាចយ៉ាងខ្លាំងនៅពេល ដែលត្រូវវេនហោះហើរម្ដងៗ ។ ស្ថាន ភាពខ្វះបុគ្គលិកបានជំរុញឱ្យបុគ្គលដែល នៅសេសសល់ធ្វើការរហូតដល់១២ម៉ោង ក្នុង១ថ្ងៃ ។ ប៉ុន្ដែក្រុមហ៊ុនមិនបានផ្ដល់ ព័ត៌មានឱ្យដឹងពីប្រាក់កម្រៃដែលទទួល បានក៏ដូចជាការជំរុញស្មារតី ទឹកចិត្ដឱ្យ ល្អឡើងវិញ ។
ក្រោយពីកង្វះបុគ្គលិក ក្រុមហ៊ុន អាកាសចរណ៍ម៉ាឡេស៊ីកំពុងប្រឈមនឹង ការប្រកួតប្រជែងយ៉ាងស្វិតស្វាញពី បណ្ដាក្រុមហ៊ុនអាកាសចរណ៍ផ្សេងទៀត។ នៅក្នុងត្រីមាសទី១ ឆ្នាំ២០១៤ ក្រុមហ៊ុន នេះបានខាតបង់ទឹកប្រាក់ដល់ទៅ១៣៧ លានដុល្លារ ជាការខាតបង់លើកទី៥ជា បន្ដបន្ទាប់ ។ កន្លងមក សាកសពជនរងគ្រោះ ម៉ាឡស៊ី២០នាក់នៅក្នុងហេតុការណ៍ ធ្លាក់យន្ដហោះ MH-17 នៅអ៊ុយក្រែន បានបញ្ជូនមកដល់ទីក្រុងគូឡាឡាំពួរនៅ ថ្ងៃទី២២ ខែសីហា ឆ្នាំ២០១៤ ។
ក្នុងថ្ងៃ នោះ ម៉ាឡេស៊ីបានកាន់ទុក្ខទូទាំងប្រទេស ដែលជាការកាន់ទុក្ខដំបូងគេបង្អស់ក្នុង ប្រវត្ដិសាស្ដ្រសម្រាប់ជនស៊ីវិលដែល បាត់បង់ជីវិត ។ ចំណែកយន្ដហោះ MH-370 ដែល ហោះហើរពីទីក្រុងគូឡាឡាំពួរឆ្ពោះទៅ កាន់ទីក្រុងប៉េកាំងដឹកអ្នកដំណើរ២៣៩ នាក់បានបាត់ខ្លួនកាលពីថ្ងៃទី៨ ខែមីនា ឆ្នាំ២០១៤ មិនទាន់រកឃើញនៅឡើយ។ រដ្ឋាភិបាលអូស្ដ្រាលីបានប្រកាសពី គម្រោងរុករកយន្ដហោះ MH-370 នៅ សមុទ្រទឹកជ្រៅនាខែកញ្ញា ឆ្នាំ២០១៤
