ម្ចាស់កសិដ្ឋានចិញ្ចឹមកន្លាតមួយ កន្លែងនៅក្នុងប្រទេសចិនបង្ហាញក្ដីសង្ឃឹម ថា លោកនឹងប្រែក្លាយអាហារពិសេស គឺសត្វកន្លាតចៀនទៅជាអាហារពេញ និយមបំផុតនៅទូទាំងប្រទេសចិន ។ កន្លងមកពលរដ្ឋដែលរស់នៅទីនោះ បានចាត់ទុកម្ចាស់កសិដ្ឋានចិញ្ចឹមកន្លាត ឈ្មោះ Wang Fuming ជាស្ដេចចិញ្ចឹម កន្លាតនៅក្នុងប្រទេសចិន ។ លោក Fuming បាននិយាយទៅកាន់បណ្ដាញ ព័ត៌មាន CNN ថា “ខ្ញុំពិតជាស្រឡាញ់ ចូលចិត្ដកន្លាត ហើយគ្រាន់តែហិតក្លិន វា ក៏ដឹងពីភាពអស្ចារ្យនៃសត្វកន្លាត ក្រោយការបំពងរួចរាល់” ។ លោក Fuming បានចិញ្ចឹមសត្វ កន្លាតរាប់សិបលានក្បាលនៅជាយក្រុង Jinan ។
អ្នកទេសចរណ៍ពេលចូលទៅ កាន់ខាងក្នុងកសិដ្ឋានរបស់លោកនឹង មានក្លិនឈួល ហើយឃើញហ្វូងសត្វ កន្លាតយ៉ាងច្រើនវាគ្រប់ទិសទី ។ ប្រភេទ សត្វកន្លាតដែលលោកចិញ្ចឹមសម្រាប់ ធ្វើជាអាហារនោះ មិនមែនពូជសត្វកន្លាត នៅតាមផ្ទះធ្វើឱ្យក្មេងៗភ័យខ្លាចនោះ ឡើយ គឺពូជកន្លាតមានប្រភពដើមមក ពីទ្វីបអាហ្វ្រិក ។ លោក Fuming ចូលចិត្ដម្ហូបកន្លាត បំពងស្រួយដោយវាមានរសជាតិឈ្ងុយ ឆ្ងាញ់ ដោយវាមិនចាំបាច់ផ្សំគ្រឿង ។ លោកចេះហូបសត្វកន្លាតតាំងពីអាយុ៧ ឆ្នាំមកម្ល៉េះ ។ លោកបន្ដទៀតថា “លោក ពិតជាមានអារម្មណ៍ស្រស់ស្រាយក្រោយ ហូបសត្វកន្លាតបំពងនោះ ”។
បច្ចុប្បន្នលោក Fuming បានឡើង គម្រោងប្រែក្លាយកន្លាតបំពងរបស់ខ្លួន ក្លាយទៅជាអាហារពិសេសបំផុតសម្រាប់ ពលរដ្ឋចិនទាំងមូល ក៏ដូចជាពលរដ្ឋ មកពីជុំវិញពិភពលោក ដោយសត្វកន្លាត សម្បូរទៅដោយជាតិប្រូតេអ៊ីន ។ អ្នក ទេសចរជនជាតិអាមេរិកមួយរូបក្រោយ ការហូបសាកល្បងកន្លាតបំពងនៅផ្ទះ លោក Fuming បានរៀបរាប់ឱ្យដឹងថា កន្លាតបំពងដូចជាដំឡូងចៀនតាមបែប បារាំង ប៉ុន្ដែក្រោយការហូបមានរសជាតិ ឆ្ងាញ់ជាប់មាត់ ។
លោក Fuming បាន និយាយថា ប្រសិនបើអ្នកមិនព្រមហូប សាកល្បងអ្នកនឹងសោកស្ដាយជាមិនខាន។ ក្រៅពីបំពងកន្លាតសម្រាប់ធ្វើជា អាហារ លោកក៏បានលក់សត្វកន្លាត រាប់សិនតោនទៅឱ្យក្រុមហ៊ុនឱសថនៅ ចិនសម្រាប់ធ្វើជាវត្ថុធាតុដើមក្នុងការ ផលិតឱសថព្យាបាលក្រពះ បេះដូង និង ថ្លើម ។ ជនជាតិចិនបានប្រើប្រាស់សត្វល្អិត ជាច្រើនប្រភេទក្នុងនោះមានទាំងសត្វ កន្លាតធ្វើជាវត្ថុធាតុដើមផលិតឱសថ ព្យាបាលជំងឺដែលកើតមានឡើងតាំងពី ៥០០ឆ្នាំមុនមកម្ល៉េះ។
កាលពីឆ្នាំ២០០៣ អង្គការសហប្រជាជាតិ ក៏បានអំពាវ នាវឱ្យមនុស្សលោកយើងចេះបរិភោគសត្វល្អិត ដោយវាសម្បូរទៅដោយ ជាតិប្រូតេអ៊ីន មួយវិញទៀតនឹងជួយទប់ ស្កាត់ការបំផ្លាញផ្សេងៗពីសត្វល្អិត ដូច ជាសត្វកន្លាត កណ្ដូប ចង្រិត..ជាដើម។ ម៉ែវ សាធី
