ខេត្តព្រះសីហនុ ព្រឹកថ្ងៃទី១៥ ខែកញ្ញាឆ្នាំ២០១៤ សក្ខាកាមជាគ្រួបង្គោលជំនាញកសិកម្មជំនាន់ទី១ របស់នាយទាហានអភិវឌ្ឍន៌របស់ក្រសួងការពារជាតិចំនួន៨៥នាក់ បានចុះធ្វើកម្មសិក្សាទស្សនកិច្ចស្វែងយល់ពីការដាំដុះនៅតំបន់អភិវឌ្ឍន៌លោក ឧញាម៉ុង បទ្ធីគ្រប ស្ថិនៅក្នុងឃុំកែវផុស ស្រុកស្ទឹងហាវ ខេត្តព្រះសីហនុ ដឹកនាំដោយឯកឧត្តម ឧត្តមសេនីយ៌ត្រី អ៊ុក ចន្នី នាយករង នាយកដ្ឋានអភិវឌ្ឍន៌ក្រសួងការពារជាតិ ។ លោក ម៉ុង ចាន់ថន អគ្គនាយករងក្រុមហ៊ុន ម៉ុង បទ្ធីគ្រប់ ទទួលបន្ទុកអភិវឌ្ឍន៌ បានទទួលស្វាគមន៌សិក្ខាកាមជាគ្រូបង្គោល និងបានធ្វើការណែនាំពីរបៀបដាំដុះដំណាំនៅក្នុងតំបន់អភិវឌ្ឍន៌ដំណាំស្វាយ ដោយបានគូសបញ្ជាក់ថា បច្ចុប្បន្នក្រុមហ៊ុនបានធ្វើការដាំដុះប្រភេទពូជស្វាយ (អាយរិន) ដែលនាំចូលពូជពីតៃវ៉ាន់ មានរស់ជាតិក្រអូប និងមានទីផ្សារនាំចេញទៅលក់ក្រៅប្រទេស ។ ដោយបច្ចុប្បន្នស្វាយប្រភេទនេះដាំរយះពេល៤ឆ្នាំទទួលបាន
ផលជាបណ្តើៗ យើងយកទៅដាក់លក់ក្នុងទីផ្សារទំនើបៗក្នុងប្រទេសកម្ពុជាដោយស្វាយក្នុងមួយគីឡូក្រាម វាមានតម្លៃរហូតដល់ទៅ៤០០០រៀល ។ ផ្លែស្វាយប្រភេទនេះយើងកំពុងធ្វើការដាំដុះដោយសារតែវាងាយស្រួលរកទីផ្សានាំចេញទៅលក់នៅក្រៅប្រទេស ។ ការដាំដុះ និងការថែរក្សា គឺយើងបានដាក់ជីធម្មជាតិក្នុងមួយឆ្នាំ២ដង នៅចន្លោះខែ៤ និងខែ១០ ដោយមិនប្រើប្រាស់ជីគីមីធ្វើឲ្យប៉ះពាល់ដល់សុខភាពអ្នកបរិភោគ ។ ហើយប្រជាពលរដ្ឋរស់នៅក្នុងឃុំកែវផុសពួកគាត់មានការងារធ្វើក្នុងកសិដ្ឋាន និងជួយកាត់បន្ថយភាពក្រីក្រធ្វើឲ្យជី វភាពរបស់ពួកគាត់កាន់តែប្រសើរឡើង ។ លោកសង្ឃឹមថា កាសិក្សា
ស្វែងយល់ទស្សនកិច្ចសិក្សាផ្នែកកសិកម្មនាពេលនេះ ដោយសាពេលវេលារបស់យើងខ្លី ការសិក្សាទៅតាមពេលវេលាផងដែរ ថ្ងៃក្រោយនឹងមកជាកម្មសិក្សារយះពេលវែងច្រើនជាងនេះ ។ លោកឧត្តមសេនីយ៌ត្រី អ៊ុក ចន្នី នាយករង នាយកដ្ឋានអភិវឌ្ឍន៌ក្រសួងការពារជាតិ បានមានប្រសាសន៌ថ្លែងអំណរគុណចំពោះលោកនាយករងក្រុមហ៊ុនម៉ុង បទ្ធីគ្រប ដែលបានអនុញ្ញាតិធ្វើបទបង្ហាញ ដើម្បីផ្តល់ឪកាសឲ្យកម្មសិក្សាការីនៃគ្រូបង្គោលជំនាញផ្នែកកសិកម្ម នៃកងយោធពលខេមរភូមិន្ទបានមក
ឃើញនូវបច្ចេកទេសដាំដុះដំណាំហូបផ្លែ ព្រមទាំងបានសិក្សាស្វែងយល់នូវបច្ចេកទេសថ្មីៗបន្ថែមទៀតក្នុងការបង្កាត់ពូជ ផ្សាំដើមឈើរហូបផ្លែ និងបច្ចេកទេសដាំដុះ និងការថែទាំដាក់ជីនាពេលនេះ ដើម្បីឲ្យកម្មសិក្សាការី បានយកទៅអនុវត្តនៅក្នុងអង្គភាពរបស់ខ្លួននៅពេលដែលបានបញ្ចប់វគ្គសិក្សាជំនាញកសិ កម្ម និងយកទៅធ្វើការផ្សព្វផ្សាយបន្តដល់ក្រុមគ្រួសារ ក៌ដូចជាប្រជាពលរដ្ឋក្នុងសហគមពីរបៀបដាំដុះនូវបច្ចេកទេសថ្មីៗបន្ថែមទៀត ។ ក្នុងឪកាសនោះផងដែរ លោក ម៉ុង ចាន់ថន ក៌បានទទួលអាហារថ្ងៃត្រង់ជាសក្ខីភាពនៃការសហការសាមគ្គីភាពក្នុងពេលចុះមកកម្មសិក្សានៅតំបន់អភិវឌ្ឍន៌លោកឧញាម៉ុង បទ្ទីផងដែរ ដោយ Bun rithy
