សន្និបាទលើកទី៣ របស់សមាគមមន្ត្រីរាជការស៊ីវិលក្រសួងមហាផ្ទៃសាលាខេត្តព្រះវិហារ ក្រោមអធិបតីភាពឯកឧត្តម អ៊ុំ ម៉ារ៉ា អភិបាលខេត្តព្រះវិហារដោយកម្មវិធីនេះបានប្រព្រឹត្តទៅនៅព្រឹកថ្ងៃទី១៧ ខែកញ្ញា ឆ្នាំ២០១៤ ក្នុងឱកាសនោះឯកឧត្តម គោ ស៊ុំប៊ុនសឿត អភិបាលរងខេត្តព្រះវិហារត្រូវបានប្រកាសចូលកាន់មុខតំណែងប្រធានសមាគមន៍មន្ត្រីរាជការស៊ីវិលសាលាខេត្តព្រះវិហារអាណត្តិទី៣ ។ ឯកឧត្តម ឡុង សុវណ្ណ ប្រធានក្រុមប្រឹក្សាខេត្តមានប្រសាសន៍ថាៈ សាខាសមាគមមន្ត្រីរាជការស៊ីវិលក្រសួងមហាផ្ទៃដែលត្រូវបានរៀបចំនេះគឺបង្កើតឡើងក្នុងគោលដៅបម្រើផលប្រយោជន៍ដល់សមាជិកសមាគម និងបំរើផលប្រយោជន៍សាធារណៈក្នុងករណីចាំបាច់ និងធ្វើសកម្មភាពការងារក្នុងក្របខ័ណ្ឌជា
សមាគម អព្យាក្រិត្យ មិនប្រកាន់ពូជសាសន៍ មិនប្រកាន់និន្នាការនយោបាយ មិនធ្វើសកម្មភាពបម្រើគណៈបក្សនយោបាយ ឬជាឧបករណ៍គាំទ្រដល់បេក្ខជននយោបាយណាមួយឡើយ ។គោលបំណងដែលបង្កើតសមាគមមន្ត្រីរាជការស៊ីវិល
ក្រសួងមហាផ្ទៃនេះឡើងគឺដើម្បីជួយសំរាលទុក្ខលំបាកទាំងខាងផ្លូវចិត្ត និងសំភារៈដល់ស្វាមីភរិយារបស់សមាជិកសមាគមនៅពេលទទួលមរណៈភាព ឬរងគ្រោះដោយអគ្គីភ័យឆាបឆេះលំនៅស្ថាន ឬទទួលគ្រោះថ្នាក់ក្នុងពេលបំពេញបេសកកម្ម ហើយពិការអស់មួយជីវិត និងបានជួយឧបត្តម្ភទៅវិញទៅមករវាងមន្ត្រីរាជការស៊ីវិលក្រសួងមហាផ្ទៃ ។ ឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារបានមានប្រសាសន៍ថាៈ ក្នុងអង្គសន្និបាទនៅពេលនេះខ្ញុំមានការកត់សំគាល់ខ្ពស់
ចំពោះការខិតខំប្រឹងប្រែងរបស់សាខាសមាគមមន្ត្រីរាជការស៊ីវិលក្រសួងមហាផ្ទៃសាលាខេត្តព្រះវិហារ ដែលមានគណៈកម្មាធិការមូលដ្ឋានដឹកនាំនៅក្នុងអាណត្តិទី២កន្លងទៅដោយទទួលបានការគាំទ្រពីមន្ត្រីរាជការគ្រប់លំដាប់ថ្នាក់ ក្នុងក្របខ័ណ្ឌក្រសួងមហាផ្ទៃដែលរហូតមកដល់និងពេលនេះយើងមានសមាជិកចំនួន ២៩៩នាក់ដែលមានប្រភពមកពី
មន្ត្រីរាជការសាលាខេត្ត សាលាក្រុង ស្រុកទាំង៨ និងមន្ត្រីអនុរក្សពន្ធនាគាខេត្តផងដែរ ។ ជាចុងក្រោយឯកឧត្តមបានបន្តថាៈ អង្គសន្និបាទនិងក្តាប់បាននូវលទ្ធផលសំខាន់ៗជាក់ស្តែងរបស់សមាគមតាមរយៈរបាយការណ៍បូកសរុបការងារក្នុងអាណត្តិកន្លងទៅ ។ ហើយអង្គសន្និបាតទាំងមូលមេត្តាពិភាក្សាឲ្យបានស៊ីជំរៅ ដើម្បីរកឲ្យឃើញនូវចំនុចខ្លាំង និងចំនុចខ្សោយដែលមានកន្លងមកដើម្បីកែលំអរក្នុងអាណត្តិទី៣ខាងមុខ ។ប៊ុនរិទ្ធី
