ខេត្តព្រះសីហនុ៖ក្នុងជំនួប រវាង ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុនិងលោក Wang Zhiquan ប្រធានផ្នែកកុងស៊ុលចិនប្រចាំខេត្តព្រះសីហនុ នារសៀល ថ្ងៃទី ១២ខខែតុលា ឆ្នាំ ២០២២នេះលោក Wang Zhiquan បានថ្លែងកោសសើរថា ក្រោមការដឹកនាំរបស់ឯកឧត្តម ខេត្តព្រះសីហនុមានការអភិវឌ្ឍ រីកចម្រើន ហើយសហគ្រាសចិនដែលកំពុងវិនិយោគនៅខេត្តព្រះសីហនុ ដើរតួនាទីយ៉ាងសំខាន់ ក្នុងកំណើន សេដ្ឋកិច្ចផងដែរ។
ឯកឧត្តម គួច ចំរើន អភិបាលខេត្តព្រះសីហនុ ៖ថ្ងៃនេះយើងបានជួបពិភាក្សាគ្នា ក៏ប៉ុន្តែយើងបានធ្វើការ ងារជាមួយគ្នាទាក់ទងនឹងជនអន្តោប្រវេសន៍ចិនលិចទូកក្នុងភូមិសាស្រ្តខេត្តព្រះសីហនុ ដែលអាជ្ញាធរខេត្ត បាន ជួយ សង្គ្រោះជនរងគ្រោះ និងសាកសពនាពេលកន្លងមក។ កិច្ចសហប្រតិបត្តិការរវាងរដ្ឋាភិបាល និងប្រជាពល រដ្ឋនៃប្រទេសទាំងពីរកាន់តែល្អ។ ផ្តើមចេញពីគោលនយោបាយផ្លូវមួយ ខ្សែក្រវ៉ាត់មួយ របស់ឯកឧត្តម ស៊ី ជិន ពីន ប្រធានាធិបតីចិន និងយុទ្ធសាស្រ្តចតុកោណរបស់រាជរដ្ឋាភិបាលកម្ពុជា ធ្វើឱ្យខេត្តព្រះសីហនុ ទទួលបាន សមិទ្ធផលជាច្រើនផ្លែផ្កាពីផ្នែកឯកជនផងដែរ។រយ:ពេលប៉ុន្មានឆ្នាំចុងក្រោយនេះ អ្នកវិនិយោគ និងទេសចរណ៍ ចិន មកកាន់ខេត្តព្រះសីហនុ វិនិយោគលើ សណ្ឋាគារ ផ្ទះសំណាក់ កាស៊ីណូ និងតំបន់សេដ្ឋកិច្ចពិសេស រោង ចក្រ អគ្គិសនីដើរដោយធ្យូងថ្ម ដែលបានដាក់ឱ្យដំណើរការសាកល្បងមានកម្លាំង ៧០០មេហ្កាវ៉ាត់។ ម្យ៉ាង ទៀតការដាក់ឱ្យដំណើរការសាកល្បងផ្លូវល្បឿនលឿនកើតចេញពីទំនាក់ទំនងកិច្ចសហប្រតិបត្តិការរវាងកម្ពុជា ចិន ដើម្បីបង្កើនសេដ្ឋកិច្ចរបស់កម្ពុជា។
ជាមួយគ្នានេះ ឯកឧត្តមអភិបាលខេត្ត បានបញ្ជាក់ថា រាជរដ្ឋាភិបាលកម្ពុជា បានសម្រេចបង្ក្រាប ល្បែង ស៊ីសងគ្រប់ទម្រង់នៅទូទាំងព្រះរាជាណាចក្រកម្ពុជា ចាប់ពីថ្ងៃទី១៨ ខែសីហាមក មានបណ្តឹងដែលបានប្តឹង ចូលតាមរយៈផេកសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ផេកអគ្គនាយកដ្ឋាន អន្តោប្រវេសន៍ ហតឡាញខេត្ត មានរហូតដល់២៥៣បណ្តឹង យើងរកឃើញអ្នកប្តឹង១២២ ក្នុងនោះមានបទល្មើស ១៤ករណី ឃាត់ខ្លួនជនសង្ស័យ៦៧នាក់បញ្ជូនទៅចាត់ការតាមនីតិវិធីច្បាប់។ ឯកឧត្តម អភិបាលខេត្ត ស្នើសុំឱ្យ កុងស៊ុលចិន ជួយសម្របសម្រួលការងារមួយចំនួនមានដូចជា៖១.ជួយពន្លឿនហិរញ្ញប្បទាន លើគម្រោងជួស ជុលស្តារឡើងវិញផ្លូវជាតិលេខ៣ ពីវាលរេញ ទៅត្រពាំងរពៅដែលកំពុងរងការខូចខាតធ្ងន់ធ្ងរ២.ស្នើសុំជួយ ជម្រុញ អ្នកវិនិយោគ និងអ្នកទេសចរណ៍ចិនមកខេត្តព្រះសីហនុ ឱ្យបានកាន់តែច្រើននាពេលខាងមុខ។៣.បន្តកិច្ចសហប្រតិបត្តិការល្អ។
លោក Wang Zhiquan ប្រធានផ្នែកកុងស៊ុលចិនប្រចាំខេត្តព្រះសីហនុ បានថ្លែងអំណរគុណឯកឧត្តម អភិបាលខេត្តព្រះសីហនុ នេះជាលើកទី១ ដែលរូបលោក និងសហការីបានជួបសំណេះសំណាលជាផ្លូវការ ធ្វើឱ្យកិច្ចសហប្រតិបត្តិការរវាងរាជរដ្ឋាភិបាល និងប្រជាជនប្រទេសទាំងពីរកាន់តែជិតស្និត និងរលូនហើយ ប្រទេសយើងទាំងពីរជាមិត្តដែកថែប។ ខេត្តព្រះសីហនុដើរតួនាទី នៃកិច្ចសហប្រតិបត្តិការរវាងចិន កម្ពុជា។ ហើយការដាក់ឱ្យសាកល្បងផ្លូវល្បឿនលឿននេះជួយជំរុញអភិវឌ្ឍកំណើនសេដ្ឋកិច្ចរបស់កម្ពុជាលើវិស័យទេសចរណ៍ និងដឹកជញ្ជូន ហើយក៏ជាចំណុចចាប់ផ្តើមបន្តកំណើនទៅមុខទៀត។ លោកសង្ឃឹមថាក្រោមការដឹកនាំរបស់ ឯកឧត្តមអភិបាលខេត្ត និងនាំឱ្យខេត្តព្រះសីហនុមានការអភិវឌ្ឍរីកចម្រើនហើយសហគ្រាសចិនដែលកំពុង វិនិយោគនៅខេត្តព្រះសីហនុដើរតួនាទីយ៉ាងសំខាន់ក្នុងកំណើនសេដ្ឋកិច្ច។ហើយការប្រយុទ្ធប្រឆាំងនឹងល្បែងស៊ីសងខុសច្បាប់គ្រប់ទម្រង់របស់រាជរដ្ឋាភិបាលកម្ពុជា នេះជាការផ្លាស់ប្តូររបស់ខេត្តព្រះសីហនុ។ លោកក៏បានបង្ហាញពីការបេ្តជ្ញាចិត្តបន្តកិច្ចសហប្រតិបត្តិការនិងជួយសម្របសម្រួលការងារនៅខេត្តព្រះសីហនុឱ្យកាន់តែល្អប្រសើរបន្ថែមទៀតនៅពេលខាងមុខ និងបង្កើនយន្តការទំនាក់ទំនងកាន់តែជិតស្និតរវាងរដ្ឋាភិបាល និងប្រជាជននៃប្រទេសទាំងពីរ៕(ដោយនាគសមុទ្រ)
