ព្រះវិហារ៖ កាលពីរសៀលថ្ងៃទី ០៩ ខែ កុម្ភះ ឆ្នាំ ២០១៤ នៅវេលាម៉ោង ៤០០ នាទី នៅទល់មុខវត្តបាក់កាំ ឃុំឈានមុខ ស្រុកត្បែងមានជ័យ ខេត្តព្រះវិហារ តាមបណ្តោយផ្លូវជាតិលេខ ៦២ មានករណីគ្រោះថ្នាក់ចរាចរណ៍ក្រឡាប់រថយន្ត ម៉ាកសាំយ៉ុង ពណ៌សរមួយគ្រឿង ពាក់ស្លាកលេខ <!–more–.
ភ្នំពេញ 2U 4498 ចេញដំណើរពីភ្នំពេញ ទៅស្រអែម ស្រុកជាំក្សាន្ត ផ្ទុកមនុស្សចំនួន ១១នាក់ ។ តាមការបំភ្លឺពីសាក្សីដែលបានឃើញហេតុការណ៍នេះឱ្យដឹងថា រថយន្តកំពុងធ្វើដំណើរក្នុងទិសដៅ ពីកើតទៅលិច តាមបណ្តោយផ្លូវជាតិលេខ៦២ មកដល់ចំណុចកើតហេតុ បានវគ្គអើរ និងកុមារជិះកង់ចេញពីផ្ទះ ពេលនោះរថយន្ត កំពុងធ្វើដំណើរបោះពួយយ៉ាងលឿនហើយ ក៏បួងចង្កូតចេញពីកុមារនៅខាងមុខក៏បណ្តាលឱ្យរថយន្តក្រឡាប់ផ្ងារជាច្រើនត្រលប់ មនុស្សនៅក្នុងរថយន្តទាំង ១១នាក់ បានស្លាប់ម្នាក់ភ្លាមៗ ដែលជាអ្នកបើកបររថយន្ត អ្នករងរបួសធ្ងន់៥នាក់ និងស្រាល៥នាក់ រីឯអ្នករងរបួសទាំងធ្ងន់ទាំងស្រាល១០នាក់ត្រូវបានបញ្ជូនយកមកសង្គ្រោះនៅមន្ទីរពេទ្យបង្អែក១៦មករាខេត្តព្រះវិហារ។
ចំណែករថយន្តត្រូវបានស្ទូចយកមករក្សាទុកនៅអធិការដ្ឋាននគបាលស្រុកត្បែងមានជ័យដើម្បីទុកដោះស្រាយ តាមនិតិវិធី ជាមួយគ្នានេះដែរ ក៏សួមធ្វើការអំពាវនាវដល់បងប្អូនអ្នកធ្វើចរាចរណ៍តាមផ្លូវទាំងអស់សូមមេត្តាគោរពច្បាប់ចរាចរណ៍ ការគោរពច្បាប់ចរាចរណ៍គឺជាការគោពរនូវជីវិតខ្លូនឯង និង ជីវិតអ្នកដទៃផងដែរ ។
ដោយ ឈឿង ចាន់
