(កំពង់ធំ)÷ នៅព្រឹកថ្ងៃទី១៩ ខែកុម្ភៈ ឆ្នាំ២០២៣
នៅអាស្រមព្រះពុទ្ឋផុស ក្រុមការងារចុះជួយភូមិចំនួន៤ មានភូមិតាំងក្រសៅ ភូមិកំពង់ក្រសាំង ភូមិថ្មី និងភូមិជីនាង ដឹកដោយលោក អុិន ប៉ូ អុនប្រធានក្រុមការងារចុះជួយឃុំតាំងក្រសៅ និងជាប្រធានក្រុមការងារចុះជួយភូមិតាំងក្រសៅ បានដឹកនាំកម្លាំងចុះមកសំណេះសំណាល ជាមួយសាខាបក្សភូមិ និងក្រុមបក្ស ដើម្បីបង្រឹងពីតួនាទីនិងភារកិច្ចឲ្យមានភាពរឹងមាំនៅក្នុងមូលដ្ឋាន ក្នុងការដឹកនាំសមាជិកសមាជិកា របស់គណបក្សប្រជាជនកម្ពុជាឲ្យឆ្ពោះទៅមុខជានិច្ច។
លោក អុិន ប៉ូ អនុប្រធានក្រុមការងារចុះជួយឃុំតាំងក្រសៅ និងជាប្រធានក្រុមការងារចុះជួយភូមិតាំងក្រសៅ បានលើកយកខ្លឹមសារមួយចំនួនមានដូចខាងក្រោម÷ អានសេចក្តីសំរេចគណៈកម្មាធិការចុះជួយឃុំ/ ភូមិ ពង្រឹងសមាជិកបក្សតាមក្រុម ពិនិត្យសមាជិកតាមក្រុម ពិនិត្យ និងស្រាវជ្រាវសមាជិកជួបការខ្វះខាតស្បៀង ត្រូវរាយការណ៍ជូនក្រុមការងារ រក្សារចាស់ កសាងថ្មី ត្រូវដោះស្រាយបញ្ហាប្រឈមមាននៅក្នុងភូមិក្នុងឃុំ បង្កើនការកសាងសមាជិកថ្មី បន្ថែមទៀតត្រូវតែចុះសួរសុខទុក្ខសមាជិកសមាជិកាតាមខ្នងផ្ទះ។
លោក អុិន ប៉ូ អនុប្រធានក្រុមការងារចុះជួយឃុំតាំងក្រសៅ ក៏បានណែនាំអំពីតួនាទីភារកិច្ច ដល់មេក្រុមបក្សដែលបានចូលរួមក្នុងពិធីនេះ ដោយត្រូវអនុវត្តតាមតួនាទីភារកិច្ចរបស់ខ្លួន ក្នុងការគ្រប់គ្រងសមាជិកបក្ស ទាំងបរិមាណ និងគុណភាព។ ត្រូវមានឯកសារគ្រប់គ្រាន់ និងជាពិសេសប្រធានក្រុមបក្សនីមួយៗ ត្រូវមានភារកិច្ចដឹកនាំសមាជិករបស់ខ្លួនបានទៅបោះឆ្នោតជូនគណបក្សប្រជាជនកម្ពុជនឲ្យបានគ្រប់ៗគ្នា ដោយអនុវត្តពាក្យស្លោក(សមាជិកម្នាក់ សន្លឹកឆ្នោតមួយសន្លឹក) ដេីម្បីបន្តដណ្ដើមយកជ័យជម្នះជាថ្មីទៀតក្នុងការបោះឆ្នោតជ្រើសតាំងតំណាងរាស្រ្ត ដែលប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ នៅពេលខាងមុខនេះ។
គួរបញ្ជាក់ផងដែរថា ក្រោយពីបានបញ្ចប់សំណេះសំណាលជាមួយសមាជិកសមាជិការួចមក លោក អុិន ប៉ូ និងក្រុមការងារបានជូនសារ៉ុងម្នាក់១ជូនដល់សាខាបក្សភូមិ និងក្រុមបក្សចំនួន១១៧នាក់ ។
