បន្ទាយមានជ័យ)÷លោកឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង កងរាជអាវុធហត្ថលេីផ្ទៃប្រទេស នុងជាប្រធានក្រុមការងារទី២ ជ្រេីសរេីសយោធិន នៃកងរាជអាវុធហត្ថ បានបើកកិច្ចប្រជុំត្រួតពិនិត្យលើបេក្ខជនដែលចូលរួមប្រឡងជ្រេីសរេីសយោធិន នៃកងរាជអាវុធហត្ថខេត្ត ដែលមានរយៈពេល៣ថ្ងៃត្រូវបានបញ្ចប់ដោយជោគជ័យនៅរសៀលថ្ងៃសុក្រ ទី២៤ ខែកុម្ភៈ ឆ្នាំ២០២៣ ។
កិច្ចប្រជុំនេះក៏មានការអញ្ជេីញចូលរួមពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងលោកឧត្ដមសេនីយ៍ត្រី ស៊ុន សម្បត្តិ មេបញ្ជាការរង ទទួលការងារកសាងកម្លាំង និងជាប្រធានក្រុមការងារជ្រេីសរេីសយោធិន នៃកងរាជអាវុធហត្ថខេត្ត។
ពិធីនេះប្រារព្ធធ្វេីឡេីងនៅសាលប្រជុំ តូច អគារសេនាធិការដ្ឋាន ជាន់ទី៣ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ។
លោកឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង កងរាជអាវុធហត្ថលេីផ្ទៃ បានធ្វេីការកោតសរសេីរ និងវាយតម្លៃខ្ពស់ចំពោះបញ្ជាការរដ្ឋានកងរាជអាវុធហត្ថខេត្ត ដែលបានរៀបចំដំណេីរការ និងទីតាំងសម្រាប់ការប្រឡងបង្កលក្ខណៈងាយស្រួលដល់បេក្ខជនដែលចូលរួមប្រឡង។ និងបានវាយតម្លៃខ្ពស់ ចំពោះបេក្ខជនដែលបានចូលរួមប្រឡង ដោយបានខិតខំប្រឹងប្រែងអស់ពីកម្លាំងកាយ ចិត្តក្នុងរយៈពេល៣ថ្ងៃពេញប្រកបដោយជោគជ័យ។
បន្ទាប់ពីបានប្រឡងរយៈពេល៣ថ្ងៃពេញ បេក្ខជនដែលបានចូលរួមប្រឡលងមានចំនួន១៧៩នាក់ ឆ្លងកាត់វិញ្ញសារចំនួន១០វិញ្ញាសារ រួមមាន ៖ ១-វាស់កម្ពស់ ២-ថ្លឹងទម្ងន់, ៣-
ធ្វេីតេស្តឈាមរកមេរោគ,៤-ធ្វើតេស្តទឹកនោមរកសារធាតុញៀន,៥-សរសេរតាមអាន,៦សំណួរ-ចម្លេីយ,៧-ពិនិត្យកាយសម្បទា,៨-កាច់ក្បាលពោះ,៩-ពួយអាវ៉ង់ និងទី១០-រត់ចម្ងាយផងដែរ៕ដោត៖ ឃិន គន្ធា
