កំពង់ឆ្នាំង:នៅព្រឹកថ្ងៃទី២០ ខែមីនា ឆ្នាំ២០២៣នេះឯកឧត្តមស៊ុន សុវណ្ណារិទ្ធិរួមជាមួយលោកជំទាវ កែ ច័ន្ទមុនី តំណាងរាស្ត្រមណ្ឌលខេត្តកំពង់ឆ្នាំងបានអមដំណើរឯកឧត្តមនាយឧត្តមសេនីយ៍ កិត្តិសង្គហបណ្ឌិត គន់ គីមទេសរដ្ឋមន្ត្រី អនុប្រធាន
និងជាអគ្គ
លេខាធិការសមាគមអតីតយុទ្ធជនកម្ពុជា អញ្ជើញប្រគល់ផ្ទះចំនួន១០០ខ្នង ធ្វើពីដែកនិងស្មាតបត ប្រក់សង្ក័សី ទំហំ
៥ម៉ែត្រ គុណ៧ម៉ែត្រ និងតសំយ៉ាប
៣ម៉ែត្រ រួមនឹងបន្ទប់ទឹក១ ជាអំណោយ
ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃ
កម្ពុជា ជូនដល់អតីតយុទ្ធជន ស្ថិតនៅ
ឃុំក្រាំងល្វា ស្រុកសាមគ្គីមានជ័យ។
ពិធីខាងលើនេះមានការអញ្ជើញចូលរួម
ពីលោកឧកញ៉ាវិញ ហួរ ថ្នាក់ដឹកនាំ និងក្រុមការងារសមាគមអតីតយុទ្ធជនកម្ពុជាសមាជិកក្រុមប្រឹក្សាខេត្ត អភិបាលរង
ខេត្តថ្នាក់ដឹកនាំកងកម្លាំងទាំងបី
ប្រភេទ ប្រធានមន្ទីរ ថ្នាក់ដឹកនាំក្រុង
ស្រុក និងអាជ្ញាធរមូលដ្ឋាន។
ក្នុងឱកាសនោះ ឯកឧត្ដមទេសរដ្ឋមន្ដ្រី គន់ គីម បានពាំនាំនូវការផ្តាំផ្ញើសួរសុខ
ទុក្ខពី សម្តេចតេជោនាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ជូនដល់អតីតយុទ្ធជន ដែលរស់នៅទីនោះទាំងអស់គ្នា និងផ្តាំផ្ញើដល់បងប្អូនដែលទើបបានទទួលផ្ទះថ្មី ត្រូវបន្តខិតខំប្រឹងប្រែងលើកកម្ពស់ជីវភាព ចេះសាមគ្គី និងជួយគ្នាពេលមានធុរៈ។
ក្នុងទឹកមុខប្រកបដោយក្តីសប្បាយរីករាយ អតីតយុទ្ធជនទាំងអស់ដែលទើបទទួលបានផ្ទះថ្មី តាមរយៈឯកឧត្ដមទេសរដ្ឋមន្រ្តី គន់ គីម បានសម្ដែងការដឹងគុណយ៉ាងជ្រាលជ្រៅបំផុតចំពោះ សម្តេចតេជោ ហ៊ុន សែន ដែលជានិច្ចកាលបានគិតគូរពីសុខទុក្ខរបស់ពួកគាត់ ទាំងជីវភាពរស់នៅ ទាំងសុខភាព ផ្តល់ផ្ទះផ្តល់ដីដល់ពួកគាត់ ដែលមានជីវភាពខ្វះខាតលើសពីនេះ បានផ្តល់ប័ណ្ណ ប.ស.ស សម្រាប់ព្យាបាលជំងឺនៅតាមមន្ទីរពេទ្យដោយមិនអស់ប្រាក់។
នៅក្នុងឱកាសនោះ ឯកឧត្ដមនាយឧត្ដមសេនីយ៍ លោកឧកញ៉ា វិញ ហួរ បានឧបត្ថម្ភជូនបងប្អូនអតីតយុទ្ឌជនដែលទទួលបានផ្ទះទាំង១០០គ្រួសារ ក្នុងមួយគ្រួសារៗ ទទួលបាន អង្ករ ១០០គីឡូក្រាម ថវិកា ២០ម៉ឺនរៀលនិងគ្រឿងឧបភោគ
បរិភោគ សម្ភារប្រើប្រាស់ជាច្រើនមុខ
ផងដែរ៕ សុខ គឹមសៀន
