កំពង់ឆ្នាំង ៖ ឯកឧត្តម កើត រិទ្ធិ រដ្ឋមន្ត្រីក្រសួងយុត្តិធម៌ បានអញ្ជើញជាអធិបតីដ៍ខ្ពង់ខ្ពស់ប្រកាសផ្ទេរ តែងតាំង និងចូល កាន់មុខតំណែង ឯកឧត្តម ឯក ស៊ុនរស្មី ជាព្រះរាជអាជ្ញាខេត្តកំពង់ឆ្នាំង ជំនួស ឯកឧត្តម អុិត សុធា ត្រូវបានតែងតាំងជា អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ខេត្តបាត់ដំបង ។
ពិធីខាងលើនេះបានធ្វើឡើង នៅក្នុងសាលាដំបូងខេត្តកំពង់ឆ្នាំង នារសៀលថ្ងៃទី២៧ ខែមីនា ឆ្នាំ២០២៣ ដោយ
មានការចូលរួមពីថ្នាក់ដឹកនាំនៅក្រសួងយុត្តិធម៌ ឯកឧត្តម ឡុង ឈុនឡៃ ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ព្រមទាំងមន្ត្រីរាជការតាមបណ្តារមន្ទីរស្ថាប័នជុំវិញខេត្ត និងកងកម្លាំងប្រដាប់អាវុធគ្រប់ប្រភេទ។
នៅក្នុងឱកាសនោះ ឯកឧត្តម អុិត សុធា ក្រៅពីជម្រាបជូនអំពីស្ថានភាពភូមិសាស្ត្រ សក្ដានុពល និងសមទ្ធិផល ដែលសម្រេចបានកន្លងមក ឯកឧត្តមក៏បានកោត
សរសើរនិងវាយតម្លៃខ្ពស់ចំពោះលទ្ធផលការងារពាក់ព័ន្ធវិស័យយុត្តិធម៌ ដែលថ្នាក់ដឹកនាំ មន្ត្រីរាជការសាលាដំបូងខេត្តកំពង់ឆ្នាំង តែងតែបានយកចិត្តទុកដាក់សហការជាមួយអាជ្ញាធរ សមត្ថកិច្ចជំនាញគ្រប់លំដាប់ថ្នាក់ក្នុងខេត្ត និង
បានធ្វើឲ្យការផ្ដល់សេវាយុត្តិធម៌បម្រើជូនប្រជា ពលរដ្ឋប្រកបដោយវិជ្ជាជីវៈនិងប្រសិទ្ធ ភាពបានល្អប្រសើរ។
មានប្រសាសន៍សំណេះសំណាលឯក
ឧត្តមកើត រិទ្ធ រដ្ឋមន្ត្រីក្រសួងយុត្តិធម៌
បានថ្លែងអំណរគុណ កោតសរសើរ
ដល់ឯកឧត្តមអភិបាលខេត្តកំពង់ឆ្នាំងព្រមទាំង អាជ្ញាធរសមត្ថកិច្ចជំនាញទាំងអស់ ក្នុងខេត្តកំពង់ឆ្នាំង តែងតែបានសហការជាមួយសាលាដំបូងនិងរាជអាជ្ញាអមសាលាដំបូងខេត្តក្នុងការដោះស្រាយរកយុត្តិធម៌ជូនប្រជាពលរដ្ឋបានល្អ។
ពិសេសក្នុងយុទ្ធនាការដោះស្រាយសំណុំរឿងកកស្ទះ ដែលដាក់ចេញដោយក្រសួងយុត្តិធម៌ ត្រូវបានដោះស្រាយសម្រេចបានលទ្ធផលជោគជ័យ។
តែទោះបីយ៉ាងណាឯកឧត្តមរដ្ឋមន្ត្រី
ក៏បានក្រើនរំលឹកជាថ្មី ដល់ចៅក្រម ព្រះរាជអាជ្ញា មន្ត្រីតុលាការ និងមន្ត្រីរាជការទាំងអស់នៃសាលាដំបូងខេត្តកំពង់ឆ្នាំង ត្រូវមានសាមគ្គីភាពផ្ទៃក្នុង
និងអាជ្ញាធរមានសមត្ថកិច្ចឲ្យបានល្អ ហើយត្រូវប្រកាន់ខ្ជាប់នូវភាពម៉ឺងម៉ាត់ក្នុងការអនុវត្តច្បាប់ និងគោរពឱ្យបានត្រឹមត្រូវតាមក្រមសីលធម៌វិជ្ជាជីវៈ ដើម្បីធានាឱ្យការផ្តល់សេវាយុត្តិធម៌ជូនប្រជាពលរដ្ឋធ្វើឡើងបាន «លឿន ត្រឹមត្រូវ យុត្តិធម៌ និងមិនពុករលួយ» និងដើម្បីលើកកម្ពស់អភិបាលកិច្ចល្អ កិត្តិយស និងសេចក្តីថ្លៃថ្នូរ ។
ជាមួយគ្នានេះ ឯកឧត្តម រដ្ឋមន្ត្រី បានផ្តាំផ្ញើដល់មន្ត្រីក្នុងស្ថាប័នតុលាការទាំងអស់ ត្រូវអនុវត្តតួនាទី ភារកិច្ចខ្លួនឲ្យបានត្រឹមត្រូវ ដើម្បីចូលរួមជាមួយរាជរដ្ឋាភិបាល ក្នុងការកែទម្រង់វិស័យច្បាប់ និងយុតិ្តធម៌ឲ្យកាន់តែល្អប្រសើរទ្បើង និងសំដៅធ្វើឲ្យកាន់តែទទួលបាននូវជំនឿទុកចិត្តខ្ពស់ ពីប្រជាពលរដ្ឋលើវិស័យយុតិ្តធម៌។
ឯកឧត្តម ឯក ស៊ុនរស្មី ព្រះរាជអាជ្ញាតែងតាំងថ្មី បានប្ដេជ្ញាថា នឹង ខិតខំប្រឹង
ប្រែង បំពេញកាតព្វកិច្ចការងារ គោរពតាមរដ្ឋធម្មនុញ្ញនៃព្រះរាជាណាចក្រកម្ពុជា នឹងខិតខំបម្រើសេវាកម្មយុត្តិធម៌ ដល់ជាតិមាតុភូមិ ប្រជាពលរដ្ឋ និងមន្ត្រីរាជការឲ្យបានល្អប្រសើរផងដែរ៕សុខ គឹមសៀន
