កំពង់ឆ្នាំង នៅថ្ងៃទី៥ខែមីនាឆ្នាំ២០២៣បណ្ដាលឱ្យត្រីចិញ្ចឹមក្នុងបែរនៅក្នុងទន្លេងាប់ជាច្រើនតោនដោយសារប៉ុន្មានថ្ងៃនេះមានអាកាសធាតុក្តៅខ្លាំង។
អាជីវករចិញ្ចឹមត្រីម្នាក់ បានឱ្យដឹងថា
ត្រីចិញ្ចឹមតាមបែនៅក្នុងទន្លេ នៅក្នុង
ភូមិចុងកោះ សង្កាត់ខ្សាមក្រុងកំពង់ឆ្នាំង
ខេត្តកំពង់ឆ្នាំង ចាប់ពីថ្ងៃទី១រហូតដល់ថ្ងៃទី៤ ខែមេសា បានចាប់ផ្តើមងាប់ដោយសារស្ថានភាពក្តៅខ្លាំង ត្រីដែលងាប់មានដូចជាប្រភេទត្រីខ្យា ត្រីពោ
ត្រីសណ្តាយ ត្រីឆ្ពិន ត្រីព្រលូង ។
មូលហេតុ ដោយសារអាកាសធាតុក្តៅខ្លាំង និងមានភ្លៀងធ្លាក់មួយមេបានបង្ក
ឱ្យទឹកទន្លេមានក្លិនស្អុយ ដែលជាហេតុបណ្តាលឱ្យត្រីទាំងអស់នោះងាប់ ដែលមានបរិមាណត្រីងាប់ខាងលើនេះចន្លោះពី ១តោនដល់៦តោនក្នុងមួយបែៗ។
នេះបើយោងតាមការបញ្ជាក់ពីរលោក
លីឡា នាយខណ្ឌរដ្ឋបាលជលផលនៃមន្ទីរកសិកម្មខេត្តកំពង់ឆ្នាំងបានឱ្យដឹងថាត្រីដែលចិញ្ចឹមតាមបែងាប់ ចាប់២.៣ថ្ងៃមកហើយដោយសារភ្លៀងមួយមេមកគួប
ផ្សំនិងក្តៅខ្លាំងធ្វើឱ្យត្រីតាមបែនីមួយៗងាប់អស់ច្រើនប្រមាណ១០ ភាគរយទៅ២០ភាគរយហើយបែត្រីនោះលោកមិនបានដឹងថាមានប៉ុន្មានទេពេលនេះកំពុងឱ្យខាងសង្កាត់ជលផលកំពង់ឆ្នាំងចុះស្រង់ចំនួនបែចិញ្ចឹមត្រីផងដែរ ហើយ
មកដល់ថ្ងៃនេះស្ថានភាពបានល្អប្រសើរឡើងវិញហើយដោយសារម្ចាស់បែចិញ្ចឹមត្រីបាននាំគ្នាសណ្តោងបែត្រីដោយអូសទៅមកៗខ្លះបញ្ឆេះម៉ាស៊ីនដាក់ទុយយោបាញ់ខ្យល់ក្នុងបែរដើម្បីឱ្យទឹកមានអុកស៊ីសែនឡើងវិញសម្រាប់ត្រី ។
ជាចុងក្រោយក្រុមអាជីវកចិញ្ចឹមត្រីសូម
សំុណូមពដល់ឯកឧត្តមអភិបាលខេត្តនិងផ្នែកវារីវប្បករនៃមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងសុំឱ្យមន្ត្រីជំនាញជួយរកវីធីសាស្ត្រដោះស្រាយជូនពួកគាត់ផង។
ដើម្បីអនុញ្ញាតឱ្យពួកគាត់បម្លាស់បែ
ទៅចំណុចភូមិកំពង់អុសពីព្រោះទឹកនៅទីនោះជ្រៅនិងមានខ្យល់អុកស៊ីសែនល្អអាចកាត់បន្ថយអត្រាត្រីងាប់បាន៕
សុខ គឹមសៀន
