ប្រព័ន្ធផ្សព្វផ្សាយនានារបស់ប៊ុលហ្គារីបានឲ្យដឹងថា យ៉ាងហោចណាស់ក៏មានមនុស្ស១៥នាក់ស្លាប់និងរងរបួសជាច្រើននាក់ក្នុងហេតុការផ្ទុះរំសែវកាលពីថ្ងៃទី១ខែតុលា នៅក្នុងរោងច័ក្រផលិតរំសែវផ្ទុះស្ថិតនៅភាគខាងជើងនៃប្រទេសនេះមានប្រសាសន៍ទៅកាន់ក្រុមអ្នកសារព័ត៌មាន មន្ត្រីជាន់ខ្ពស់មួយរូបនៅក្នុងក្រសួងមហាផ្ទៃប៊ុលហ្គារីក៏បានបញ្ចាក់ពីការផ្ទុះបណ្តាលឲ្យមានអ្នកស្លាប់និងរងរបួសជាច្រើន។ ប៉ុន្តែមិនបានបញ្ចាក់ពីតួលេខច្បាស់លាស់ និងមូលហេតុបណ្តាលឲ្យផ្ទុះនោះឡើយ។ តាមប្រព័ន្ធផ្សព្វផ្សាយ មានអ្នកស្លាប់១៥នាក់។
រដ្ឋមន្ត្រីក្រសួងមហាផ្ទៃ ប៊ុលហ្គារីលោក Yordan Bakalov បញ្ចាក់ថា ម្ចាស់រោងច័ក្រខាងលើក៏មានវត្តមានក្រោយការផ្ទុះភ្លាមៗ ។ ក្រុមជួយសង្គ្រោះមិនអាចចូលទៅកៀកនោះឡើយដោយសារតែមានការផ្ទុះខ្លាំង។ កាលពីឆ្នាំ២០០៧និងឆ្នាំ២០១០ក៏មានហេតុការផ្ទុះរំសែវសម្លាប់មនុស្ស៦នាក់ផងដែរ។
រោងច័ក្រផលិតរំសែវខាងលើបានចុះកិច្ចព្រមព្រៀងជាមួយក្រសួងការពារជាតិប៊ុលហ្គារី ក្នុងនោះមានទាំងការបំផ្លាញ់អាវុធជាតិផ្ទុះដែលហួសកាលបរិឆេតប្រើប្រាស់។ ពេលនេះក្រុមឯកទេសកំពុងធ្វើការស្រាវជ្រាវស្វែងរកមូលហេតុបណ្តាលឲ្យមានសោកនាដកម្មខាងលើកើតឡើង៕
