ក្លិបបិសាចក្រហម Manchester United បានប្រកួតឈ្នះក្លិបទូកក្តោង Everton ក្នុងលទ្ធផល 2-1 សម្រាប់ ការប្រកួតក្នុងក្របខណ្ឌ Baclay Premier League នៅសប្តាហ៍ទី៧ ។
នេះជាជ័យជម្នះ២សប្តាហ៍ជាប់ៗគ្នារបស់លោក Luis Van Gaal បន្ទាប់ពីលោកបានដឹកនាំ Manchester United ឲ្យឈ្នះញញួរយក្ស West Ham United 2-1 កាលពីសប្តាហ៍មុន ។
ក្លិបបិសាចក្រហមបានចាប់ផ្តើមយ៉ាងល្អនៅក្នុងការប្រកួតនេះដោយអាចរកគ្រាប់បាល់នាំមុខមុន1-0 នៅនាទី ទី២៧ដោយកីឡាករ អ៊ែនជេល ឌីម៉ារៀ (Angel Di Maria) ។ ការប្រកួតរៀបនឹងបញ្ចប់តង់ទី១ទៅហើយនោះ Everton បានទទួលកាដូបាល់ប៉េណាល់ទី១គ្រាប់តែសំណាងមិនល្អកីឡាករ ឡេថុន ប៊ែន (Leighton Baines)ស៊ុតមិនចូល ។
ប៉ុន្តែនៅតង់ទី២នាទីទី៥៥ កីឡាករ ស្តេវិន ណៃស្មីត (Steven Naismith) ជួយឲ្យ Everton តាមបានស្មើវិញ។ ទោះបីជាយ៉ាងណាក៏ដោយ ការប្រកួតនៅនាទីទី៦២ ខ្សែប្រយុទ្ធ រ៉ាដាម៊ែល ហ្វាល់ខាវ (Radamel Falcao) ស៊ុតបានមួយគ្រាប់ ហើយក៏ជាគ្រាប់ជ័យជំនះផងដែរ ជួយឲ្យ Manchester United ឈ្នះ Everton ក្នុងលទ្ធផល 2-1 ។
គួរបញ្ជាក់ថា ឆ្លងកាត់ការប្រកួតចំនួន៧លើកមកនេះ Manchester United ឡើងមកឈរនៅលំដាប់ទី៤ដោយមាន១១ពិន្ទុ ចំណែក Everton ស្ថិតនៅលំដាប់ទី១៧ដោយមានតែ៦ពិន្ទុប៉ុណ្ណោះ
