បន្ទាយមានជ័យ៖នៅទីបញ្ជាការដ្ឋានកងពលតូថ្មើរជើងលេខ៥១ស្ថិតនៅភូមិភ្នំជញ្ជាំងឃុំជប់វ៉ារីស្រុកព្រះនេតព្រះ ខេត្តបន្ទាយមានជ័យសិក្ខាកាមជាពលទាហានចំណុះឱ្យកងពល៥១ចំនួន៧០នាក់បានចូលរួមហ្វឹកហ្វឺនរយ:ពេល១ខែចាប់ពីថ្ងៃទី៧ខែតុលាឆ្នាំ២០១៤បានបញ្ចប់វគ្គហ្វឹកហ្វឺនបំប៉នជំនាញទុបស្កាត់បាតុករនៅពេលមានបាតុកម្មរយៈពេល១ខែដែលបានសិក្សាកន្លងមកនិងបើកវគ្គទី៣បន្តទៀតចាប់ពីថ្ងៃទី៧ខែតុលា២០១៤។ពិធីនេះមានការចូលរួមពី លោកឧត្តមសេនីយ៍ត្រីសេង ធារិនមេបញ្ជាការរងជានាយសេនាធិការនិងមេបញ្ជាការ មេបញ្ជារងវរះនិងសិក្ខាកាមជាច្រើនាក់ទៀត។លោកសេងធារិនបាននិយាយថា ក្នុងពិធីហ្វឹកហ្វឺននេះមានការហ្វឹកហាត់អំពីជំនាញគ្រប់គ្រង់បាតុភាព បាតុកម្មដែលកើតមាននៅក្នុងមូលដ្ឋានក៏ដូចជានៅក្នុងប្រទេសដើម្បីការពារសន្តិសុខជូនពលរដ្ឋនិងមាតុប្រទេសផងដែរ។
ថ្ងៃនេះសិក្ខាកាមទាំងអស់នោះបិទវគ្គបញ្ចប់កាសិក្សាវគ្គ២និងបើកវគ្គ៣បន្តនៅទីបញ្ជាការដ្ឋានកងពលតូចលេខ៥១ការហ្វឹកហាត់វគ្គអន្តរាគមន៌ពិសេសនេះដើម្បីលើកកំពស់និងសមត្ថភាពលើការប្រើប្រាស់ជំនាញពិសេសលើការប្រើប្រាស់ខែល ដំបង់ឱ្យមានស្ថេរភាពក្នុងការបង្ក្រាបបាតុករ។ដើម្បីបង្កើនសមត្ថភាពក្នុងការប្រើប្រាស់ឲ្យស្ទាត់ជំនាញក្នុងការធ្វើសង្គ្រាមដើម្បីច្បាំងតទល់និងសត្រូវឈ្លានពានផងដែរ។
លោកសេងធារិនបានបញ្ជាក់បន្តថាការហ្វឹកហ្វឺនដល់សិក្ខាកាមទ័ពចំនួន៧០នាក់គឺមានការឧបត្ថម្ភនិងផ្តល់ថវិកាសំរាប់ហ្វឹកហ្វឺននេះគឺមានការឧបត្ថម្ភឡើងដោយសម្តេចតេជោហ៊ុន សែននាយករដ្ឋមន្ត្រីបានយកថវិកាផ្ទាល់ខ្លួនរបស់សម្តេចបានជួយឧបត្ថម្ភដល់សិក្ខាកាមទាំងអស់ហើយសម្តេចក៏បានជួយឧបត្ថម្ភបន្តដល់សិក្ខាកាមសំរាប់ក្នុងឆ្នាំបន្តទៀតហើយការហ្វឹកហាត់នេះគឺមានរៀបជាបន្តទៀតជាងរាងរហូតដែលអាចនិយាយបានដែរថាលើកដំបូងហើយដែលកងទ័ពទូរទាំងប្រទេសមិនទាន់ឃើញមានអង្គភាពណាហ្វឹកហ្វឺនជំនាញទប់ទល់និងបាតុកម្មមនេះដូចកងពលតូចលេខ៥១នេះទេ។លោកក៏បាននិយាយសង្កត់ធ្ងន់ៗទៅលើបណ្តាអង្គភាពឱ្យមើលឡើងវិញការងារចិញ្ចឹមទ័ព ការងារផ្ទះបាយរួម សួនបន្លែ ចិញ្ចឹមសត្វ អនាម័យ ស្តារលានដ្ឋានកុថែរក្សាអាវុធដុះខាត់ឱ្យស្អាតវិន័យសណ្តាប់ធ្នាប់ ឯកសណ្ឋានចៀងវាងពីគ្រឿងញៀន ល្បែងស៊ីសងជាដើមមានក្នុងបន្ទាយជាដើម។
លោកសេងធារិនបានថ្លែងអំណរគុណមេបញ្ជាកា.មេបញ្ជាការរង.នាយទាហាន.នាយទាហានរង.យោធាចារ្យនិងសិក្ខាកាមដែលបានយកចិត្តទុកដាក់រៀនសូត្រជុំនាញវិជ្ជាជីវ:របស់ខ្លួនប្រកបដោយវីរះភាពអង់អាចក្លាហាន ហ៊ានបូជាជីវិតក្នុងបុព្វហេតុកិច្ចការពារទឹកដីមាតុប្រទេសយើង។លោកបានផ្តាំផ្ញើរ ដល់សិក្ខាកាមទាំងចំនួន៧០ត្រូវប្រកាន់សាមគ្គីផ្ទៃក្នុងប្រកាន់ខ្ជាប់នូវវិន័យ សីលធម៏ មានកិច្ចសហការស្ថាប័នមានសមត្ថកិច្ច.ផ្តល់ឪកាសទាហានក្មេងៗគ្រប់គ្រងថែរក្សា សម្ភារ: បរិក្ខា សព្វាវុធត្តូវយកចិត្តទុកដាក់ថែសុខភាពហើយពេលដែលចេញទៅអង្គភាពវិញអោយយកជំនាញនេះទៅបំរើពលរដ្ឋក៏ដូចជាបំរើប្រទេសជាតិដែរគឺដើម្បីបង្កើនសមត្ថភាពឲ្យកងទ័ពឱ្យមានសមត្ថភាពឲ្យបានគ្រប់គ្រាន់ក្នុងការការពារជាតិ៕
