Liverpool ចង់ខ្ចីជើង Alex Song នៅខែមករាក្លិបហង្សក្រហម Liverpool កំពុងតែសម្លឹងឆ្ពោះទៅរកការខ្ចីជើងខ្សែបម្រើ Alex Song ពីក្លិប ញញួរយក្ស West Ham United ។
កីឡាករវ័យ២៧ឆ្នាំរូបនេះបានបង្ហាញពីទម្រង់លេងយ៉ាងល្អជាមួយ West Ham នៅរដូវកាល នេះ ក្រោយពេលរូបគេផ្លាស់ចេញពីក្លិបអ្នកមានបុណ្យ Barcelona នៅរដូវក្តៅ ។
យោងតាមសារព័ត៌មាន The Metro បានផ្សព្វផ្សាយថា អ្នកចាត់ការក្លិបហង្សក្រហម Liverpool លោក Brendan Rodgers នឹងព្យាយាមខ្ចីជើងកីឡាករ Alex Song នៅខែមករាខាងមុខនេះ ហើយគ្រោងនឹងទិញយកជាផ្លូវការនៅពេលចប់រដូវកាល ។
គួរបញ្ជាក់ថា ចាប់តាំងពីបើករដូវកាលថ្មីមក Song ចូលលេងបាន៤ប្រកួតរួចមកហើយឲ្យក្លិប West Ham ៕
