បន្ទាយមានជ័យ: នៅរសៀលម៉ោង៣ ថ្ងៃទី២២ ខែតុលាឆ្នាំ២០២៣នេះ មានករណីអគ្គីភ័យឆាប់ឆេះអាគារមួយកន្លែងនៅពីក្រោយចំណុចប្លុកផ្កាយ៣ឬនៅពីក្រោយប៉ុស្តិ៍យាមប៉ូលីសច្រកទ្វារប៉ោយប៉ែតនាផ្លូវដើមពុទ្រាស្ថិតនៅក្នុងភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
មន្ត្រីអាជ្ញាធរនិងកម្លាំងសមត្ថកិច្ច ព្រមទាំងសន្តិសុខ ក៏ដូចក្រុមពន្លត់អគ្គីភ័យចម្រុះបាននឹងកំពុងជួយអន្តរាគមន៍ពន្លត់ ។
នេះបើតាមប្រភពព័ត៌មានពីពលរដ្ឋនិងសមត្ថកិច្ចនៅក្រុងប៉ោយប៉ែតប្រាប់កាលពីថ្ងអាទិត្យទី២២ខែតុលា ។
នៅមានប្រភពមួយទៀតបានអោយដឹងថា : មានករណីអគ្គីភ័យបង្កពីការឆ្លងចរន្តអគ្គីសនីបង្កអោយឆាបឆេះបង្គោលភ្លើងនិងប្រអប់ដុំឌីសង់ទ័រអស់ទាំងស្រុងស្ថិតភូមិមិត្តភាពសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កើតឡើងនៅថ្ងៃទី២២ ខែតុលា ឆ្នាំ២០២៣។
ប្រជាពលរដ្ឋនិងមន្ត្រីមានការព្រួយបារម្ភមួយឈុល ខ្លាចមានការឆក់និងការផ្អាកចរន្តអគ្គីសនី។
រថយន្តពន្លត់អគ្គីភ័យអធិការដ្ឋាននគរបាលក្រុងប៉ោយប៉ែតបានមកបាញ់ពន្លត់ពីចម្ងាយអោយរលត់ ។
កម្លាំងនគរបាលនិងអ្នកបច្ចេកទេសអគ្គីសនីអលោកហអោយដឹងថា : មូលហេតុដែលអគ្គីភ័យបានឆាបឆេះបង្គោលភ្លើងនេះបណ្តាលមកពីឆ្លងចរន្តអគ្គីសនីប្រអប់ឌីសង់ទ័រទើបបង្កអោយមានអណ្តាតភ្លើងឆាបឆេះ។
ទោះយ៉ាងណា មកទល់ល្ងាចដដែល អ្នកបច្ចេកទេសបាននឹងកំពុងបន្តជួសជុលនិងតស៊ូភ្ជាប់បណ្តាញអគ្គីសនីឡើងវិញតាមដែលអាចធ្វើទៅបាន ។
ពលរដ្ឋថ្លែងអំណរគុណមមន្ត្រីនិងក្រុមជួយពន្លត់អគ្គីភ័យទាំង២កន្លែងដែលបង្ការការពារមិនអោយឆេះរីករាលដាលដល់សំណងនិងផ្ទះដទៃទៀត ៕ដោយ៖ឃិន គន្ធា
