សម្រាប់ការប្រកួតជម្រុះយូរ៉ូនៅយប់នេះលោក Martin O’Neill បានថ្លែងប្រាប់អ្នកសារព័ត៌មានថា សាធារណៈរដ្ឋអៀរឡង់គឺមានលទ្ធភាពអាច យកឈ្នះលើអាល្លឺម៉ង់បានសម្រាប់ការប្រកួតជម្រុះពានរង្វាន់ទ្វីបអឺរ៉ុបឆ្នាំ ២០១៦ នៅយប់នេះ ។អៀរឡង់នឹងត្រូវប៉ះជាមួយម្ចាស់ជើងឯកពិភពលោកនៅក្នុងទីក្រុង ជេលសេនឃើជេន នៅយប់នេះ ហើយលោក O’Neill ដែលបានដឹកនាំក្រុមឲ្យឈ្នះលើប្រទេស ហ្គីលប្រាតា 7-0 កាលពីយប់ថ្ងៃសៅរ៍នោះ បាននិយាយ ថា លោកនឹងដាក់ប្រព័ន្ធប្រយុទ្ធខ្លាំងជាងការពារ ។
លោកប្រាប់សារព័ត៌មាន Sky Sports News ថា “យើងនឹងលេងដោយមានទំនុកចិត្ត យើងដឹងថាអាល្លឺម៉ង់ ជាក្រុមខ្លាំង ប៉ុន្តែយើងនឹងមិនទប់ខ្លាំងនោះទេ យើងនឹងរៀបចំប្រព័ន្ធប្រយុទ្ធខ្លាំង” ។គួរបញ្ជាក់ថា អៀរឡង់នឹងត្រូវធ្វើជាភ្ញៀវសម្រាប់ការប្រកួតជាមួយអាល្លឺម៉ង់នៅយប់នេះដែលការប្រកួតនឹងត្រូវធ្វើឡើងនៅវេលាម៉ោង 1:45 យប់រំលងអាធ្រាត្រ៕
