សៀមរាប : ជនសង្ស័យ២នាក់ប្តីប្រពន្ធខាងលើនេះ និងវត្ថុតាងរួមមាន ម្សៅមេតំហ្វេតាមីនចំនួន១កញ្ចប់ទម្ងន់០,៣ក្រាម និងឧបករណ៏ប្រើប្រាស់គ្រឿងញៀនមួយចំនួនទៀត ត្រូវបានសមត្ថកិច្ចធ្វើការដកហូតបានពីជនសង្ស័យ រួចយកមកកាន់ការិយាល័យនគរបាលជំនាញដើម្បីធ្វើការសួនាំ ។ លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានឲ្យដឹងថាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាព ឲ្យកាន់តែមានប្រសិទ្ធភាពថ្វេដងផងនោះ ជាក់ស្តែងនាម៉ោង១២ និង៣០នាទី ថ្ងៃទី១៦ ខែតុលា ឆ្នាំ២០១៤ កន្លងទៅ កម្លាំងការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានសហការណ៍ជាមួយកម្លាំងប៉ុ
សិ៍្តនគរបាលរដ្ឋបាលសង្កាត់ស្វាយដង្គំ ក្រុងសៀមរាប បានតាមដានស្រាវជ្រាវ និងឈានដល់ការចាប់ឃាត់ខ្លួនជនសង្ស័យ២នាក់ប្តីប្រពន្ធនេះ នៅក្នុងបន្ទប់ជួល ភូមិសាលាកន្សែង សង្កាត់ស្វាយដង្គំ ក្រុងសៀមរាប ព្រមទាំងវត្ថុតាងទាំងអស់នេះ រួចយកមកកាន់ការិយាល័យជំនាញតែម្តង ជាប់ពាក់ព័ន្ធក្នុងករណីចាត់ចែងនិងសម្រួលអោយប្រើប្រាស់ នូវសារធាតុញៀន
ខុសច្បាប់។ ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានឲ្យដឹងទៀតថា ជនសង្ស័យទាំង២នាក់ដែលត្រូវចាប់ខ្លួនរួមមាន ១./ឈ្មោះ សន កញ្ញា ភេទប្រុស អាយុ២៤ឆ្នាំ ជាប្តី ទី២.ឈ្មោះ មុន នាថ ភេទស្រី អាយុ២៥ឆ្នាំ បច្ចុប្បន្នស្នាក់នៅបន្ទប់ជួល ភូមិសាលាកន្សែង សង្កាត់ស្វាយដង្គំ ក្រុងសៀមរាប។ បន្ទាប់ពី សមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យទាំង
២នាក់នេះ ព្រមទាំងវត្ថុតាងទាំងអស់បានហើយនោះ នៅមុខសមត្ថកិច្ចជនសង្ស័យបានឆ្លើយសារភាពថា ពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែន ដោយបច្ចុប្បន្ននេះទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាប ដើម្បីចំណាត់ការទៅតាមនិតិវិធីបន្ត ៕
លោក ព្រិន្ទបាលទោ ខេង ខេមរា
