អតីតខ្សែប្រយុទ្ធរបស់ក្លិបអធិរាជស Real Madrid កីឡាករ Raul (រ៉ាអ៊ូល) បានឈានដល់កិច្ចព្រមព្រៀង លើការផ្លាស់ទៅកាន់ក្លិប New York Cosmos នៅសហរដ្ឋអាមេរិក ។កីឡាករវ័យ៣៧ឆ្នាំរូបនេះបានប្រកាសពីការចូលនិវត្តន៍កាលពីដើមឆ្នាំបន្ទាប់ពីចំណាយពេល២រដូវកាលលេងឲ្យក្លិប
អាល់ សេត (Al Sadd) នៅប្រទេសកាតា ។
ប៉ុន្តែទោះបីជាយ៉ាងណាក៏ដោយ យោងតាមគេហទំព័រ ESPNFC.com បានផ្សព្វផ្សាយថា កីឡាករសញ្ជាតិអេស្ប៉ាញរូបនេះ នឹងចុះកិច្ចសន្យាជាមួយក្លិប New York Cosmos នៅក្នុងសប្តាហ៍នេះមុនពេលរដូវកាលឆ្នាំ២០១៥នឹងចាប់ផ្តើម ។
ជាមួយគ្នានោះក៏មានព័ត៌មានបានចុះផ្សាយផងដែរថា Raul ក៏នឹងត្រូវដឹកនាំក្រុមយុវជនរបស់ក្លិប New York Cosmos ផងដែរដែលត្រូវបានគេជឿថានឹងបង្កើតនៅឆ្នាំក្រោយ ៕
