ខេត្តស្ទឹងត្រែងៈកាលពីវេលាម៉ោងប្រមាណជាង១០យប់ថ្ងៃទី២០ ខែតុលា ឆ្នាំ២០១៤ កម្លាំងការិយាល័យទី២ សេនាធិការរដ្ឋានកងអន្តរាគមន៏អគ្គបញ្ជាការបានចុះចាប់ឈើប្រណីតធ្នង់១ទូកធំប្រគល់ជូនមេព្រៃនៅចំណុចផ្ទះលោក នួយ ប៊ុនធួយ មេឃុំស្តៅ ស្រុកសេសាន ខេត្តស្ទឹងត្រែង
លោក យុន សុខជា នាយរងការិយាល័យទី២សេនាធិការកងអន្តរាគមន៏អគ្គបញ្ជាការបាននិយាយថាៈឈើប្រណីតធ្នង់១ទូកធំនេះជារបស់លោកឧកញ៉ា ធី ហូត ដែលបានឃុបឃិតជាមួយលោកមេឃុំស្តៅ នួយ ប៊ុនធួយ លួចដឹកឈើចេញដែលពុំមានច្បាប់អនុញ្ញាតចេញពី
រដ្ឋបាលព្រៃឈើ ដើម្បីយកទៅលក់បន្តនៅប្រទេសវៀតណាមតាមច្រកដួង៧ដើមវត្ថុតាងដែលបង្ក្រាបបាននៅពេលនោះមានឈើប្រណីតប្រភេទធ្នង់ចំនួន៥២កំណាត់ប្រភេទឈើ៤ជ្រុងដែលមានមុខកាត់ចាប់ពី០,២៥ម៉ែត្រទៅ០,៣០ម៉ែត្រប្រវែងចាប់ពី២ម៉ែត្រទៅដល់៤ម៉ែត្រ ទូក
ដឹកបទល្មើស១គ្រឿង និងម៉ាស៊ីនទូកចំនួន៣គ្រឿងប្រភពបានបន្តទៀតថាៈលោកឧកញ្ញ៉ាធី ហូត គឺជាឈ្មួញឈើដុះស្លែយូរហើយពុះដែលឃើញមានសមត្ថកិច្ចផ្នែកណានីមួយចុះធ្វើការ
បង្ក្រាបបាននោះទេ គឺតែងតែដឹកឈើប្រណីតចេញដែលមិនមានច្បាប់អនុញ្ញាតបានយ៉ាងរលួនថែមទៀតផងមន្ត្រីរដ្ឋបាលព្រៃឈើបានឲ្យដឹងថាៈឈើប្រណីតធ្នង់ទាំងនេះកម្លាំងជំនាញកំពុងរៀបចំដឹកយកមកទុដាក់នៅខណ្ឌរដ្ឋបាលព្រៃឈើស្ទឹងត្រែង ដើម្បីចាត់ការបន្តតាមផ្លូវច្បាប់។
