ថ្មីៗនេះក្រុមហ៊ុន Microsoft បានបង្ហាញខ្លួនជាផ្លូវការនៅលើទូរស័ព្ទស្មាតហ្វូន
Nokia Lumia 830 និង Nokia Lumia 730 នៃប្រព័ន្ធប្រតិបត្តិការ Windows Phone 8.1 ដែលជាជំនាន់ចុងក្រោយបង្អស់។ អ្វីដែលកាន់តែពិសេសនៅក្នុងជំនាន់ក្រោយនេះ Microsoft បានបន្ថែមសមត្ថភាពទំហំកាមេរ៉ាកាន់តែច្បាស់ បូករួមនឹងល្បឿនយ៉ាងលឿនដែលមិនធ្លាប់មានពី មុនមក។ ចំពោះទូរស័ព្ទដៃ Nokia Lumia 830 មានតម្លៃប្រហែល 435$ និង Lumia 730 មានតម្លៃប្រហែល 272$ ។
Nokia Lumia 830 ត្រូវបានបំពាក់មកជាមួយកាមេរ៉ាប្រភេទ PureView ទំហំ 10 MP ដែលមានកញ្ចក់លេន ZEISS នៃកម្រិតរូបភាពច្បាស់ហ្មត់ល្អ ដែលធ្វើអោយការថតរូបទទួលភាព ច្បាស់ល្អ ទាំងពេលព្រឹក និង ពេលយប់។ ទូរស័ព្ទ Nokia សេរីថ្មីទាំងពីរនេះបានប្រើប្រាស់ជាមួួយ បច្ចេកវិទ្យាសាកថ្មឥតខ្សែ និង បំពាក់មកជាមួយអេក្រង់ទំហំ 5-inch ប្រភេទ IPS Clear Black 5។
ចំពោះ Nokia Lumia 730 មានកាមេរ៉ាទំហំ 5MP Full HD ដែលដំណើរការបានយ៉ាងល្អ ជាមួយនឹងកម្មវិធីវីដេអូ Skype ហើយថាមពលថ្ម 2,200 mAh។
