ខេត្តបន្ទាយមានជ័យ៖ទូកងចំនួន១៩គ្រឿង ដែលអាជ្ញាធរខេត្តត្រៀមចាប់គូប្រគួតប្រណាំង នៅក្នុងខេត្តបន្ទាយមានជ័យនាពេលដ៏ខ្លីខាងមុខនេះ បន្ទាប់ពីបានផ្អាកព្រះរាជពិធីអុំទូក បណ្តែតប្រទីប អកអំបុក សំពះព្រះខែ អស់រយះពេល៣ឆ្នាំ កន្លងទៅនៅទូទាំងប្រទេសក៏ដូចជានៅក្នុងខេត្តបន្ទាយ
មានជ័យផងដែរ ឥឡូវនេះព្រះរាជពិធីអុំទូកបានចាប់ផ្តើមបើកការប្រគួតប្រណាំងជាថ្មីហើយនៅក្នុងឆ្នាំ២០១៤។សូមបញ្ជាក់ដែលថា ព្រះរាជពិធីបុណ្យអុំទូក អកអំបុក សំពះព្រះខែ និងបណ្តែតប្រទីប ត្រូវបានផ្អាករយះពេល៣ឆ្នាំរួចមកហើយ គឺចាប់ពីឆ្នាំ២០១១ ២០១២ ២០១៣ កន្លងទៅ ឥឡូវនេះត្រូវបានរៀបចំអោយដំណើរការប្រារពពិធីអុំទូក ខាងលើនោះវិញហើយ 
នៅទូទាំងព្រះរាជាណាចក្រកម្ពុជា ដោយឡែកនៅទីរួមខេត្តបន្ទាយមានជ័យ គឺចាប់ផ្តើមរៀបចំកម្មវិធីអុំទូក ដែលមានរយះពេល២ថ្ងៃប៉ុណ្ណោះ គឺចាប់ពីថ្ងៃទី៩ ដល់ថ្ងៃទី១០ ខែវិច្ចិការ ឆ្នាំ២០១៤ វេលាម៉ោង១៤រសៀលត៏ទៅ នៅដងស្ទឹងទឹកថ្លាខាងក្រោយសកលវិទ្យាល័យមានជ័យ ស្ថិតនៅភូមិបាណយ សង្កាត់ទឹកថ្លារ ក្រុងសិរីសោភណ័ ខេត្តបន្ទាយមានជ័យ និងនៅពេលរាត្រីមានការរៀបចំដាក់តាំងប្រទីបតាមអង្គភាពនីមួយៗរបស់រដ្ឋនៅតាមបណ្តោយផ្លូវជាតិ
លេខ៥ ក្នុងក្រុងសិរីសោភណ័ និងការរៀបចំស្តង់ពិពណ័ កីឡាប្រដាល់ ការប្រគុំតន្ត្រី ការបាញ់កាំជ្រួច បណ្តែតប្រទីប និងសំពះព្រះខែ អកអំបុក ទៀតផង។គួរំលឹកដែលថា ក្នុងអតីតះដែលលោកអ៊ុង អឿន ធ្វើជាអភិបាលខេត្តបន្ទាយមានជ័យកន្លងទៅជារៀងរាល់ឆ្នាំគឺលោកតែងតែរៀបចំអោយមានភាពគគ្រើកគគ្រេងទាំងយប់ទាំងថ្ងៃ ដើម្បីអប់អរសាទរព្រះរាជពិធីអុំទូក ដែលមានរយះពេល៣ថ្ងៃដូចនៅរាជធានីភ្នំពេញផងដែរ ទង្វើរទាំងនេះធ្វើអោយប្រជាពលរដ្ឋជាច្រើនមានចិត្តសប្បាយរីករាយបំផុត ក្រោយមកក៏មានសកម្មភាពផ្អាកការប្រណាំងទូកង
អស់រយះពេល៣ឆ្នាំកន្លងទៅ នៅទូទាំងប្រទេសកម្ពុជាក៏ដូចជានៅក្នុងខេត្តបន្ទាយមានជ័យផងដែរ បន្ទាប់មកគណះកម្មការរៀបចំព្រះរាជពិធីអុំទូកថ្នាក់ជាតិ បានសម្រេចយកឆ្នាំ២០១៤ ដើម្បីប្រារព្វព្រះរាជពិធីអុំទូក ឡើងវិញនៅក្នុងខែវិច្ចិការខាងមុខនេះ ។
ចំពោះគណះកម្មការរៀបចំការអុំទូកនៅក្នុងខេត្តបន្ទាយមានជ័យវិញនោះ គឺអាជ្ញាធរខេត្តក្រុងបានចេញសេចក្តីជូនដំណឹងរួចជាស្រេចហើយ ជូនដល់សាធារណះជនដើម្បីចូលរួមអបអរក្នុងព្រះរាជពិធីអុំទូកដែលមានរយះពេល២ថ្ងៃ គឺចាប់ពីថ្ងៃទី៩ ដល់ថ្ងៃទី១០ខែវិច្ចការឆ្នាំ២០១៤ខាងមុខនេះ ដែលមានទូកសរុបចំនួន១៩គ្រឿង ចូលរួមប្រកួតក្នុងពិធីប្រណាំងទូកងនោះទៀតផង ដែលទូកទាំងនោះគឺគេយកមកពីបណ្តាលស្រុកមួយចំនួនដូចជា ស្រុកមង្គលបូរី ក្រុងសិរីសោភណ័ ស្រុកព្រះនេត្រព្រះ ស្រុកភ្នំស្រុក ដែលទូកទាំងនោះ ធ្លាប់បានចូលរួមប្រគួតជាញឹកញាប់រាល់កម្មវិធីអុំទូក អកអំបុក សំពះព្រះខែ បណ្តែតប្រទីបទៀតផង៕
