នឹងពិបាកពេលជួបជាមួយ Roma នៅរាត្រីនេះអ្នកចាត់ការក្លិបយក្ស Bayern Munich លោក Pep Guardiola (ប៉េប ហ្គាឌីយូឡា) បានអះអាងថា ក្រុមរបស់លោកនឹងត្រូវទទួលភារកិច្ចដ៏ធ្ងន់ក្នុងជំនួប Champions League ជាមួយក្លិបចចកព្រៃ Roma នៅរាត្រីនេះ ។
ក្លិបជើងឯកអាល្លឺម៉ង់មួយនេះកំពុងតែសម្លឹងឆ្ពោះទៅរកការឈ្នះជាលើកទី៣សម្រាប់ការប្រកួតនៅក្នុងពូល E នៅពេលដែលពួកគេធ្វើដំណើរទៅប្រកួតនៅទឹកដី Stadio Olimpico របស់ក្លិប Roma ។
លោក Guardiola ថ្លែងប្រាប់អ្នកសារព័ត៌មានមុនការប្រកួតថា Roma ជាក្រុមខ្លាំងហើយវាពិតជាពិបាកសម្រាប់ Bayern ក្នុងការយកឈ្នះលើពួកគេប៉ុន្តែ Bayern កំពុងតែខ្លាំងហើយលោករំពឹងថា លោកនឹងយក៣ពិន្ទុឲ្យបានពី Roma ។
គួរបញ្ជាក់ថា Bayern បានឈ្នះ៤ប្រកួតជាប់ៗគ្នាក្នុងក្របខណ្ឌ Bundesliga ក្រោយពេលពួកគេបានបំបាក់ក្លិប Werder Bremen 6-0 កាលពីរាត្រីថ្ងៃសៅរ៍ ៕
