កំពង់ធំៈ នៅក្នុងតំបន់ប្រតិបត្តិការសឹករងកំពង់ធំ មានពិធីចែកអំណោយអាវរងារជូនដល់ កងកម្លាំងចំណុះឲ្យ តំបន់ប្រតិបត្តិការសឹករងកំពង់ធំ ចំនួន២៥០នាក់ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចគត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្រោមអធិបតីភាព ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រមទាំង មេបញ្ជាការង និងពលទាហានជិត៣០០នាក់ចូលរួម។
អំណោយដ៏ថ្លៃថ្លារបស់សម្តេចនាយករដ្ឋមន្ត្រី ដែលបានផ្តល់ជូនដល់ពលទាហានទាំង២៥០នាក់ គឺជាកម្លាំងសម្រាប់ត្រៀមបម្រុងចល័តអន្តរាគមន៍ ជួយសង្គ្រោះប្រជាពលរដ្ឋ ដែលបានជួបនូវគ្រោះមហន្តរាយផ្សេងៗ និងជាកម្លាំងចល័តឡើងទៅកាន់ទិសព្រំដែន កម្ពុជា ថៃ ពេលមានបទបញ្ជាពីថ្នាក់ដឹកនាំ ។
នៃឳកាសនោះពីធីចែកអំណោយ ឯកឧត្តម ឧត្តមសេនីយ៍ត្រី សោម ស៊ុន បានសម្តែងនូវការគោរពដឹងគុណ ដ៏ខ្ពង់ខ្ពស់ដល់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជា ប្រមុខដឹកនាំប្រកបដោយគិតបណ្ឌិត ព្រមទាំងសម្តេចគត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលសម្តេច ទាំងពីជានិច្ចកាលតែងតែយកចិត្តទុកដាក់ គិតគូដល់កងកម្លាំង ដែលជាកម្លាំងរ៉ឹងមាំការពារជាតិមាតុភូមិ ការ ពាររាជរដ្ឋាភិបាលស្របច្បាប់ ដែលកើតចេញពីការបោះឆ្នោត ហើយសម្តេចទាំងពីស្ថិតនៅជាប់ជាមួយប្រជា ពលរដ្ឋ ដឹងសុខទុក្ខរបស់កងកម្លាំង និងប្រជាពលរដ្ឋ យល់នូវរាល់ការលំបាកផ្សេងៗ។
ក្នុងឳកាសនេះដែរឯកឧត្តម សោម ស៊ុន មេបញ្ជាការតំបន់សឹក បានមានប្រសាសន៍ កោតសើរ នឹងផ្តាំផ្ញើរ ដល់កងកម្លាំងចំណុះឲ្យតំបន់សឹកទាំងអស់ ដែលបានគោរពនូវបទបញ្ជាតាមការចាត់តាំងរបស់ថ្នាក់លើ ព្រម ទាំងបានឆ្លើយតបទាន់ពេលវេលា រាល់សភាពការណ៍ អាក្រក់ដែលបានកើតឡើង ជាយថាហេតុ ក្នុងឳកាសនោះឯកឧត្តម បានផ្តាំផ្ញើរដល់ កងកម្លាំងទាំង២៥០នាក់ នូវចំនុចសំខាន់ៗជូនដល់កងកម្លាំងដែលត្រូវអនុវត្តន៍ឲ្យបានភ្ជាប់ភ្ជួនបន្ថែមទៀត នូវវិន័យសណ្តាប់ធ្នាប់របស់កងកម្លាំងក្នុងតួនាទីរបស់ខ្លួន មិនតែប៉ុណ្ណោះក្នុងនាមជាកងកម្លាំងត្រូវ យកចិត្តទុកដាក់ថែរក្សា គ្រប់គ្រងអាវុធជាតិផ្ទុះ និងគ្រាប់រំសេវ
ព្រមទាំងសម្ភារៈសឹក នានាឲ្យបានគង់វងល្អ និងមិនប្រព្រឹត្តសកម្មភាពដែលខុសច្បាប់ ត្រូវបង្កើនភាពជិតស្និទ្ធរវាងកងកម្លាំង សាមគ្គីគ្នា ចៀសវាងការបែកបាក់ ជាពិសេសក្នុងពេលបំពេញភារៈកិច្ច នៅតាមតំបន់នានា ត្រូវមានការទំនាក់ទំនងល្អជាមួយអាជ្ញាធរ ចេះជួយយកអាសារដល់ប្រជាពលរដ្ឋ ក្រីក្រជួបការលំបាក ចូលរួមរក្សាសន្តិសុខសណ្តាប់ធ្នាប់នៅតាមមូលរដ្ឋាន គោរពនូវគោលនយោបាយភូមិឃុំមានសុវត្តិភាពទាំង៩ចំនុច ចំណែកនៅតាមមូលដ្ឋានយោធិនត្រូវបន្តការដាំដុះដំណាំ ចិញ្ចឹមសត្វ ដើម្បីជួយដោះស្រាយបន្ថែមលើជីវភាពគ្រួសារ និងជាការចាត់បន្ថយការចំណាយនៅក្នុងគ្រួសារផងដែរ។
ដោយ ប៊ុន រដ្ឋា
