មណ្ឌលគិរី៖ សមត្ថកិច្ចបង្ក្រាបរថយន្តបង្កុងដឹកឈើប្រណិតខុសច្បាប់១គ្រឿង ត្រង់ចំណុច ក្រុមរការ ស្ថិតក្នុងភូមិពូហៀម ឃុំសែនមនោរម្យស្រុកអូររាំងខេត្តមណ្ឌលគិរីកាលពីវេលាម៉ោង៣ទៀបភ្លឺថ្ងៃទី០៧ ខែមិនា ឆ្នាំ២០១៤។ កម្លាំងប៉ូលិសប្រឆាំងបទល្មើសសេដ្ឋកិច្ឋក្រសួងមហាផ្ទៃប្រចាំខេត្តមណ្ឌលគិរី និងកម្លាំងប៉ូលិសប្រឆាំងបទល្មើសសេដ្ឋកិច្ចខេត្តមណ្ឌលគិរី បានដើរល្បាត់ប្រទះឃើញរថយន្ត ដឹកឈើខុសច្បាប់១គ្រឿងចេញពីក្រុមរកា ក្នុងស្រុកអូរាំង ត្រូវបានសមត្ថកិច្ចឃាត់ចាប់សួរនាំ ព្រមទាំងឃាត់ខ្លួនមនុស្សចំនួន៥នាក់។
លោក អ៊ុំ សីហា ប្រធានបង្ក្រាបបទល្មើសសេដ្ឋកិច្ចក្រសួងមហាផ្ទៃប្រចាំខេត្តមណ្ឌលគិរីបានអោយដឹងថា ក្រោមការចង្អុលបង្ហាញដ៏ខ្ពង់ខ្ពស់របស់ឯកឧត្តមអគ្គស្នងការនគបាលជាតិ ដឹកនាំបញ្ជាផ្ទាល់ពីឯឧត្តម. ឧត្តមសិនីយ៍ឯក ជា សុមេធី អគ្គស្នងការរង និងជាប្រធាននាយកដ្ឋាននគបាលប្រឆាំងបទល្មើសសេដ្ឋកិច្ច បានបញ្ជាកម្លាំងសមត្ថកិច្ចមួយក្រុមចុះប្រត្តិបត្តការដឹកនាំដោយលោក សួស ប៊ុនលី អនុប្រធានបង្ក្រាបបទល្មើមសេដ្ឋកិច្ចខេត្តសហការណ៍ជាមួយកម្លាំងប៉លិសសេដ្ឋកិច្ចខេត្តចាប់បានរថយន្តបង្កុងដឹកឈើខុសច្បាប់បញ្ជូនមកស្នងការដ្ឋានខេត្តមណ្ឌលគិរី។
លោក សួស ប៊ុនលី បានអោយដឹងបន្ថែមទៀតថា មុនឈានដល់ការឃាត់រថយន្តដឹកឈើខុសច្បាប់ខាងលើ បន្ទាប់ពីឃាត់សាកសួរដឹងថាគ្មានច្បាច់អនុញ្ញាត បច្ចុប្បន្នរថយន្តល្មើសត្រូវបានយកមកកាន់ស្នងការខេត្តដើម្បីរៀបចំបញ្ជូនទៅកាន់ខណ្ឌរដ្ឋបាលព្រៃឈើមណ្ឌលគិរីដើម្បីចាត់ការបន្ត។ក្រុមប្រតិបត្តិការនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃប្រចាំខេត្តមណ្ឌលគិរីឲ្យដឹងថា ដោយឃើញមានបទល្មើសខាងលើ និងមានបញ្ជាផ្ទាល់ពីថ្នាក់លើផងនោះ កម្លាំងរបស់លោកបានសហការជាមួយសមត្ថកិច្ចនគរបាលខេត្តព្រមទាំងមានការអនុញ្ញាតពីព្រះរាជអាជ្ញាអមសាលាដំបូងខេត្តក៏ឈានដល់ការឃាត់ចាប់តែម្តង។
តែលោកពុំទាន់បានធ្វើអត្ថាធិប្បាយវែងឆ្ងាយនៅឡើយទេស្តីពីចំនួនម៉ែត្រគូបឈើនៅក្នុងរថយន្តនោះ គ្រាន់តែបង្ហើបថាមានជាប្រភេទឈើធ្នង់ ឡាំង៤ជ្រុងជាច្រើនដុំមិនក្រោម១៥ម៉ែត្រគូបឡើយ។រហូតដល់ម៉ោង ១២និង៣០នាទីរសៀលថ្ងៃ៨ ខែមីនា ឆ្នាំ២០១៤ ដដែលនេះគេពុំទាន់បានបញ្ជូនទៅកាន់ខណ្ឌរដ្ឋបាលព្រៃឈើមណ្ឌលគិរីនៅឡើយទេ។
លោក ញែមវ៉ាន់នី ស្នងការខេត្តបានឲ្យដឹងថា ចំពោះបទល្មើសខាងនោះខាងការិយាល័យជំនាញកំពុងរៀបចំឯកសារពាក់ព័ន្ធបទល្មើសខាងលើនោះទៅកាន់ខណ្ឌរដ្ឋបាលព្រៃឈើខេត្តដើម្បីចាត់ការទៅតាមនីតិវិធីច្បាប់។គ្រាដែលប្រជាពលរដ្ឋនៅក្នុងតំបន់នេះរាយការណ៍មកថា ឈើទាំងនេះដឹកជញ្ជូនចេញពីតំបន់អភិរក្សជីវៈចម្រុះសីមានោះអ្នកឆ្លើយឆ្លងព័ត៌មានយើងពុំអាចទំនាក់ទំនងទៅមន្ត្រីបម្រើការនៅទីនោះបានទេនៅថ្ងៃនេះ។
