ព្រំដែនកម្ពុជាថៃ ៖ការរៀបចំព្រឹត្តិការណ៍រត់ឆ្លងដែននៃប្រទេសទាំងពីរភាគីកម្ពុជា-ថៃ ភាគីទាំង២ បានប្ដេជ្ញា បន្តពង្រឹង ថែរក្សានូវទំនាក់ទំនងល្អរវាងប្រទេសទាំងពីរ ក្នុងនាមជាប្រទេស
ភូមិផងរបងជាមួយ រួមគ្នាការទប់ស្កាត់រាល់ៗបទល្មើស ផ្សេងៗ តាមព្រំដែន ដោយរក្សាបាននូវព្រំដែនសន្តិភាពពិសេសទប់ស្កាត់នូវការចរាចរគ្រឿងញៀន នៅតាមព្រំដែននេះជាការលើកឡើងរបស់ឯកឧត្តម ហ៊ុន សារឿន ឯករាជទូតកម្ពុជា ប្រចាំព្រះរាជាណាចក្រថៃ ក្នុងព្រឹត្តិការណ៍ រត់ឆ្លងដែនមិត្តភាពថៃ-កម្ពុជា (Two Kingdoms Run) ដើម្បីអបអរសាទរខួបលើកទី៧៥ នៃការបង្កើតទំនាក់ទំនងការទូតរវាងប្រទេសទាំង២ នាច្រកព្រំដែនអន្តរជាតិស្ទឹងបត់-ណងអៀន។
ព្រឹត្តិការណ៍ រត់ឆ្លងដែនមិត្តភាពថៃ -កម្ពុជា ក៏មានការចូលរួមពីឯកឧត្ដម អ៊ុំ រាត្រី ភិបាលនៃគណៈអភិបាលខេត្តបន្ទាយមានជ័យ និងឯកឧត្ដមបរិនបញ្ញា ភោធិសាធ អភិបាលខេត្តស្រះកែវ ក្នុងនោះក៏មានការចូលរួមរត់ពីអត្តពលិក កម្ពុជា -ថៃ ដែលបានចូលរួមរាប់រយនាក់ផងដែរ។
បញ្ជា់ថា៖ ព្រឹត្តិការណ៍ នេះចាប់ផ្តេីមចេញដំណេីរពីមុខ ច្រកស្ទឹងបត់ ឆ្លងស្ពាននៃប្រទេសទាំង២ ទៅកាន់ទីតាំងប្រារព្ធពិធីក្នុង ច្រកទ្វាព្រំដែនណងអៀន ព្រះរាជណាចក្រថៃ មានប្រវែងប្រមាណ៦គីឡូម៉ែត្រ ដែលធ្វេីនៅព្រឹកប្រលឹមថ្ងៃទី១៦ ខែមីនា ឆ្នាំ ២០២៥។
ឯកឧត្តម ហ៊ុន សារឿន ឯករាជទូតកម្ពុជា ប្រចាំព្រះរាជាណាចក្រថៃ ក៏បានបញ្ជាក់ថា៖ ការរៀបចំព្រឹត្តិការនេះឡេីង ដើម្បីអបអរសាទរខួបលើកទី៧៥ នៃការបង្កើតទំនាក់ទំនងការទូតរវាងប្រទេសទាំង២ កម្ពុជា-ថៃ បង្ហាញពីសក្ខីភាពមួយដ៏ច្បាស់លាស់ អំពីភាពជិតស្និទ្ធ រឹងមាំ នៃទំនាក់ទំនងប្រទេសទាំងពីរ ។
ឯកឧត្ដមបន្តថា៖ ព្រឹត្តិការណ៍នេះបានរួមចំណែកយ៉ាងខ្លាំងក្លាក្នុងការកែទម្រង់ស៊ីជម្រៅបន្ថែមទៀតរវាងទំនាក់ទំនងនៃប្រទេសទាំង២ លើគ្រប់វិស័យ ជាពិសេសទំនាក់ទំនងរវាងបងប្អូនប្រជាពលរដ្ឋនៃប្រទេសទាំងពីរ ការចូលរួមចំណែកក្នុងការជំរុញរក្សាសន្តិភាព ការអភិវឌ្ឍនៅតាមបន្ទាត់ព្រំដែន៕ដោយ៖ឃិន គន្ធា
