សៀមរាប ៖ ពិធីខាងលើនេះបានប្រព្រឹត្តទៅនៅស្នងការដ្ឋាននគរបាលខេត្តសៀមរាបកាលពីព្រឹកថ្ងៃទី ១៥ ខែ វិច្ឆិកា ឆ្នាំ២០១៤ នេះ ក្រោមអធិបតីភាព លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ព្រមទាំងអស់លោក លោកស្រី ជា ស្នងការរងនិងនគរបាលជាតិជាច្រើនទៀតចំណុះស្នងការដ្ឋាននគរបាលខេត្តសៀមរាបបានចូលរួមផងដែរ ។
លោកវរសេនីយ៍ឯក ស៊ន់ ចំណាន នាយការិយាល័យបុគ្គលិក នៃស្នងការដ្ឋាននគរបាលខេត្តសៀមរាបបានអានប្រកាសរបស់ក្រសួងមហាផ្ទៃស្តីពីការផ្ទេរភារះកិច្ច តែងតាំងមុខតំណែង និង តំឡើងឋានន្តរសក្តិ ដល់មន្រី្តនគរ បាល ជាតិនៃស្នងការដ្ឋាននគរបាលខេត្តសៀមរាបទាំង៥៣នាក់ក្នុងនោះមានទាំងប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិចាប់ពីថ្នាក់ វរសេនីយ៍ទោ ១ នាក់ វរសេនីយ៍ត្រី ២០ នាក់ អនុសេនីយ៍ឯក ៤ នាក់ អនុសេនីយ៍ទោ ៦ នាក់ និងអនុសេនីយ៍ត្រី ៣ នាក់ ផងដែរ ។
ក៏ដូចជាបន្ទាប់ពីលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបបានបំពាក់ឋានន្តរសក្តិដល់កងកម្លាំងនគរបាលជាតិទាំងអស់ខាងលើរួចមក លោក ឩត្តមសេនីយ៍ទោ សត ណាឌី បានមានប្រសាសន៍សំណេះសំណាលនិងធ្វើការផ្តាំផ្ញើដល់កងកម្លាំងនាឱកាសនោះដោយបានធ្វើការកោតសរសើរចំពោះកិច្ចខិតខំប្រឹងប្រែងរបស់កងកម្លាំងនគរបាលខេត្តសៀមរាបលើការបំពេញនូវតួនាទីភារះកិច្ចស្នូលរបស់ខ្លួនបានយ៉ាងល្អប្រសើរ ។
ដោយលោកស្នងការក៏បានដាស់តើនក្រើនរំលឹកក៏ដូចជាផ្តល់ជូននូវបទពិសោធន៍ល្អៗបន្ថែមទៀតដល់អស់លោក លោកស្រី ដែលទើបនិងបានប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្ដិថ្មីនាពេលនេះត្រូវធ្វើយ៉ាងណាចេះរក្សាឲ្យបាននូវសាមគ្គីភាពផ្ទៃក្នុងឲ្យបានល្អ ត្រូវមានក្រមសិលធម៍ និង វិជ្ជាជីវ: រក្សាឲ្យបានជាខាតគោរពនិងអនុវត្តតាមបទបញ្ជាជាកងកម្លាំងនគរបាលជាតិដោយមិនគិតផលប្រយោជន៍ផ្ទាល់ខ្លួនជាធំ ។
លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប បានបន្តប្រសាសន៍ផ្ដាំផ្ញើដល់កងកម្លាំងទាំងអស់ធ្វើយ៉ាងណាពង្រឹងបន្ថែមនូវការងារភូមិឃុំមានសុវត្ថិភាពនៅតាមមូលដ្ឋានរបស់ខ្លួនឲ្យបានម៉ឺងម៉ាត់ ដើម្បីរក្សាឲ្យបាននូវសន្តិសុខ សុវត្ថិភាព ជូនបងប្អូនប្រជាពលរដ្ឋ ក៏ដូចជាភ្ញៀវទេសចរណ៍ជាតិ អនុ្តរជាតិដែលមកបំពេញទស្សនកិច្ច នៅក្នុងខេត្តសៀមរាបនេះឲ្យកាន់តែមានតម្លាភាព ព្រោះខេត្តសៀមរាបគឺជាតំបន់ទេសចរណ៍ផងនោះ៕ ដោយ ខេង ខេមរា
