អារ័ញ្ញ ប្រទេសថៃ : សហព័ន្ធប្រព័ន្ឋផ្សព្វផ្សាយអាស៊ាន UMA បានរៀបចំកិច្ចប្រជុំមួយរវាងអ្នកសារព័ត៌មានកម្ពុជានិងអ្នកសារព័ត៌មានថៃ ដោយមានគោលបំណងរួមក្នុងការលើកស្ទួយស្ដង់ដារផ្សព្វផ្សាយព័ត៌មានឲ្យបានត្រឹមត្រូវ ពិតប្រាកដ និងទទួលខុសត្រូវ។
ដោយមានការចូលរួមពីសំណាក់លោក ឌុកទ័រប្រាសិត សែងរុងរឿង អគ្គលេខាធិការសហព័ន្ឋផ្សព្វផ្សាយអាស៊ាន ប្រចាំប្រទេសថៃ.លោកសុខ សុវណ្ណ អគ្គលេខាធិការរងសហព័ន្ឋផ្សព្វផ្សាយអាស៊ាន ប្រចាំប្រទេសកម្ពុជា រួមទាំង អ្នកសារព័ត៌មាន ក្នុងស្រុក ថែខ្មែរជាង50នាក់ចូលរួមក្នុងកិច្ចប្រជុំនេះ នាព្រឹកថ្ងៃទី 20 ខែមិថុនាឆ្នាំ 2025 នៅសាលប្រជុំ ក្រុងអារ័ញ្ញ ខេត្តស្រះកែវ ប្រទេសថៃ៕
គោលបំណងគឺដើម្បីបង្រួបបង្រួមក្រុមប្រព័ន្ធផ្សព្វផ្សាយទាំងនេះឱ្យធ្វើការរួមគ្នាកាត់បន្ថយជម្លោះ និងពង្រឹងទំនាក់ទំនងល្អជាមួយគ្នាទៅវិញទៅមក និងផ្តោតសំខាន់ទៅលើការបង្កើនការយល់ដឹងអំពីសារៈសំខាន់នៃព័ត៌មាន ដែលគ្មានការប្រឌិត គ្មានការញុះញង់ និងគ្មានអុចអាល ដែលអាចបង្កជាការយល់ច្រឡំ និងប៉ះពាល់ដល់ទំនាក់ទំនងអន្តរជាតិ។
លោក ប្រូយ សម្បត្តិ អ្នកសារព័ត៌មានថៃ បញ្ជាក់ថា ក្នុងនាមយើងជាសារព័ត៌មាន មិនមែនជាអ្នកចម្បាំង យើងត្រូវ រួមគ្នាអ្នកសារព័ត៌មានពីប្រទេសទាំងពីរ ផ្លាស់ប្តូរយោបល់ និងបទពិសោធន៍គ្នា អំពីការធ្វើការផ្សព្វផ្សាយព័ត៌មានឲ្យបានមានវិជ្ជាជីវៈ ដើម្បីជួយបង្កើនការយល់ដឹងរបស់សាធារណជន និងអភិវឌ្ឍការសហការផ្នែកព័ត៌មាននៅក្នុងតំបន់អាស៊ាន កាត់បន្ថយជម្លោះ នាំមកនូវសេចក្តីសុខសាន្តដល់ពលរដ្ឋទាំងពីរ។
លោក សុខ សុវណ្ណ បានឲកយដឹងពីគោលបំំណងនូវកិច្ចប្រជុំនេះថា សហព័ន្ធប្រព័ន្ធផ្សព្វផ្សាយអាស៊ាន បាដើរតួនាទីដ៏សំខាន់ ក្នុងការពាំនាំព័ត៌មាន សន្តិភាពជូនដល់ប្រជាជនទាំងពីរ និងជាការលុបបំបាត់នូវព័ត៌មា មិនពិត ព័ត៌មានក្លែងក្លាយ ដែលមានលក្ខណៈញុះញង់ អុចអាល ប្រឌិត ធ្វើឲ្យប្រជាជន យល់ខុស មិនតែប៉ុណ្ណោះរឹតតែបង្កើនភាពតានតឹង ដល់សភាពការណ៍ព្រំដែនកម្ពុជា ថៃ៕
សមាជិកនៃអង្គប្រជុំជនជាតិថៃ បានលើកឡើងថា បញ្ហាជាយដែន ធ្វើឲ្យមានភាពតានតឹង បានធ្វើឲ្យអជីវករថៃ និងកម្ពុជា ជួបប្រទេសនិងផលពិបាកយ៉ាងខ្លាំងចំពោះសេដ្ឋកិច្ច មិនអាចនិងប្រកបមុខរបរដោយរលូនដូចមុន លោកស្រីបានត្រឹមតែ សំណូមពរដល់អ្នកសារព័ត៌មាន ទាំងពីរប្រទេសនាំយកព័ត៌មានល្អ ដែលមានប្រយោជន៍ ជួយឲ្យស្ថានភាពព្រំដែនកម្ពុជា ថៃ បានធូស្រាល ដើម្បីប្រជាជនទាំងពីរ ប្រកបមុខរបរទទួលទាន ។
លោក ប្រាសិត សែងរុងរឿង មានប្រសាសន៍ថា យើង មិនមែនជាទាហាន យើងគឺជាអ្នកសារព័ត៌មាន មានតួនាទីដ៏សំខាន់ក្នុងការ ចូលរួមនាំព័ត៌មានដែលមានភាពសុក្រិដ្ឋ ការផ្សាយព័ត៌មានយ៉ាងប្រុងប្រយ័ត្ន និងផ្អែកលើការពិត ដោយគ្មានការញុះញង់ ឬលាតត្រដាងអារម្មណ៍អយុត្តិធម៌ គឺជាវិធីសាស្រ្តមួយសំខាន់ដែលអាចជួយបន្ថយភាពតានតឹង និងជះអតិភាពលើការស្ដារឡើងវិញនៃសន្តិភាព បើអ្នកសារព័ត៌មានអនុវត្តន៍ត្រឹមត្រូវនូវគោលការណ៍ចម្បងនៃសារព័ត៌មាន ដូចជា ភាពឯករាជ្យ ការត្រួតពិនិត្យប្រភពព័ត៌មាន និងការយកចិត្តទុកដាក់ចំពោះផលប៉ះពាល់លើសង្គម ជាគន្លឹះសំខាន់មួយក្នុងការពន្លត់ភ្លើងសង្គ្រាម និងបង្កើនសន្តិភាពរវាងប្រទេស។
ជាពិសេស អ្នកសារព័ត៌មានពីកម្ពុជា និងថៃ បានបញ្ជាក់ចលនាចិត្តរួមគ្នា ក្នុងការជំរុញឲ្យមានសន្តិភាព ការយល់ច្បាស់ និងការបង្កើតស្មារតីមិត្តភាពរវាងប្រជាជនទាំងពីរប្រទេស តាមរយៈការផ្សព្វផ្សាយព័ត៌មានយ៉ាងប្រក្រតី និងមានភាពជាប់ទាក់ទងនឹងការពិត។
ដោយ ប៊ុនរដ្ឋា
