យ៉ាងហោចណាស់មានមនុស្សប្រមាណ១៨នាក់បានស្លាប់ បន្ទាប់ពីរោងចក្រ ផលិតចំណីអាហារមួយកន្លែងនៅខេត្ត សានទុង ភាគខាងកើតប្រទេសចិន ត្រូវ បានអគ្គីភ័យលេបត្របាក់ស្ទើរទាំងស្រុង ។ យោងទៅតាមប្រភពពីក្រុមមន្ត្រីអាជ្ញាធរក្នុងតំបន់ បាននិយាយថា
អគ្គិភ័យបាន ឆាបឆេះឡើងកាលពីវេលាម៉ោង៧យប់ម៉ោងក្នុងតំបន់ ស្ថិតនៅរោងចក្រផលិត ការ៉ុតកំប៉ុង ដែលមានឈ្មោះថា ឡុងយួន ខូអិលធីឌី ស្ថិតនៅទីក្រុង ស៊ូក្វាង នៃ ខេត្ត សានទុង ហើយវាត្រូវបានពន្លត់ជាស្ថាពរ នៅវេលាម៉ោង ៩ និង ៣០ យប់ ថ្ងៃដដែល ។
ក្រៅពីមនុស្សបាត់បង់ជីវិត១៨នាក់ហើយនោះ ក៏មានក្រុមកម្មករចំនួន១៣នាក់ ផ្សេងទៀតបានទទួលរងរបួស និង កំពុងសម្រាកព្យាបាលនៅឯមន្ទីរពេទ្យ ខណៈ ដែលអ្នកចាត់ចែងក្នុងរោងចក្រ ត្រូវបានប៉ូលិសឃាត់ខ្លួនយកទៅសាកសួរចម្លើយ ចំនែកឯមូលហេតុឈានដល់ការបង្កអគ្គិភ័យនេះឡើង កំពុងស្ថិតនៅក្នុងការស៊ើប អង្កេតបន្តទៀត ៕
