កំពង់ឆ្នាំង៖ការកសាងដើមពោធិសុប្បនិមិតអំពីថ្មនិងសង្ក័សី ប្រក់ព្រះពុទ្ធរូបនៅក្នុងវត្តព្រះធាតុឆ្វេង ជាស្នាដៃវិចិត្រករខ្មែរ ធ្វើអោយប្រជាពលរដ្ឋរាប់ពាន់នាក់នាំគ្នាទៅមើលកន្លងមក និងនិយា យថាដូចដើមពោធិពិតៗដែលពីមុនមកមិនធ្លាប់បានឃើញ។វត្តព្រះធាតុឆ្វេងនេះបានកសាងថ្មី
រយះពេលជាង១០ឆ្នាំមកហើយដែលបច្ចុប្បន្នសំរេចបាន៦០% វត្តខាងលើនេះស្ថិតនៅក្នុងភូមិប៉ាតឡាង ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង។
នៅព្រឹកថ្ងៃទី២៣ ខែវិច្ឆិកា ឆ្នាំ២០១៤ លោក ច័ន្ទ កុសល អាយុ៣៦ឆ្នាំ រស់នៅខេត្តកំពង់
ចាម ជាជាងគំនូរគូរព្រះពុទ្ធរូបតាមជញ្ជាំងក្នុងវត្ត បាននិយាយអោយអ្នកយកព័ត៌មានយើងដឹងថា៖អ្នកឆ្នៃប្រឌិតកសាងដើមពោធិអំពីស៊ីម៉ង់និងសង្ក័សី ប្រក់ព្រះពុទ្ធរូបនៅក្នុងវត្តគឺជាស្នាដៃមេជាងរបស់លោក ឈ្មោះ គាំ ច័ន្ទ អាយុ៤២ឆ្នាំ រស់នៅភូមិគ្រួស ឃុំជើងគ្រាវ ស្រុករលាប្អៀរ។ការកសាងដើមពោធិសុប្បនិមិតនេះគឺជាគំនិតឆ្នៃប្រឌិតដោយផ្ទាល់របស់មេជាង គឺមិនបានយកប្លង់ឬគំរូពីខាងណាឡើយ។ឈ្នួលកសាងដើមពោធិនេះមានតម្លៃ៥.៥០០ដុល្លា កសាងជា១ខែទើ បរួចរាល់ និងមិនបានចំណេញសល់លុយកាក់ឡើយ គឺគ្រាន់តែគ្រប់អោយថ្លៃឈ្នួលកូនជាង។
ដោយមានការចាប់អារម្មណ៍ច្រើនពីប្រជាពលរដ្ឋ បច្ចុប្បន្នគណៈកម្មាការវត្តបឹងខ្នារ នៅឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង បានជួលមេជាងអោយទៅកសាងដើមពោធិដូចគ្នានេះក្នុងវត្តបឹងខ្នារ ដើម្បីទុកជាស្នាដៃក្នុងព្រះពុទ្ធសាសនាសំរាប់កូនចៅជំនាន់ក្រោយ។
លោកគ្រូ ហុក សំអុន ព្រះជន្ម៥៩ព្រះវស្សា ចៅអធិការវត្តព្រះធាតុឆ្វេង និងលោក ប្រាក់នីម ប្រធានគណៈកម្មាការវត្ត បានមានសង្ឃដីកា និងនិយាយអោយដឹងថា៖ វត្តព្រះធាតុឆ្វេងនេះជាវត្តថ្មីសាងសង់រយះពេលជាង១០ឆ្នាំមកហើយនៅលើដីទួលវត្តចាស់។
ការសាងសង់វត្ត
មកដល់ពេលនេះបានសំរេច៦០%ហើយ តាមការបូកសារុបថវិកាសាងសង់អស់ប្រមាណជាង
២៧ម៉ឺនដុល្លា ថវិកាទាំងនេះគឺជាបច្ច័យរបស់ពុទ្ធបរិស័ទចំណុះជើងវត្ត ក្នុងស្រុកនិងជាថវិកាកឋិ
នទានដង្ហែរចូលវត្ត ពុំមានបច្ច័យធំដុំចូលរួមកសាងពីថ្នាក់ដឹកនាំ ឬឯកឧត្តម លោកជំទាវណាឡើយ។តាមគំរោងរបស់គណៈកម្មាការវត្ត នឹងត្រូវពង្រីកខឿនវត្ត ធ្វើរបងជុំវិញវត្ត គូរគំនូរព្រះ
ពុទ្ធប្រវត្តិក្នុងវត្ត និងលាបថ្នាំវត្តជាបន្តទៀត ទៅតាមលទ្ធភាពនៃថវិកាជាបច្ច័យដែលមាន។
ក្នុងខែខាងមុខនេះគណៈកម្មការ និងលោកគ្រូចៅអធិការវត្តមានគំរោងធ្វើបុណ្យឆ្លងគំនូរ
និងឆ្លងដើមពោធិក្នុងវត្តមួយជំហានសិន ដើម្បីប្រមូលបច្ច័យសំរាប់កសាងវត្តជាបន្តទៀត។លោ
កគ្រូចៅអធិការ និងគណៈកម្មាការវត្តសូមអំពាវនាវដល់ពុទ្ធបរិស័ទ ឯកឧត្តមលោកជំទាវ ថ្នាក់
ដឹកនាំធំៗមេត្តាជួយចូលរួមក្នុងពិធីបុណ្យខាងមុខនេះដោយសេចក្តីអនុគ្រោះ ដើម្បីចូលបច្ច័យ
កសាងវត្តព្រះធាតុឆ្វេងអោយបានរួចរាល់សំរាប់ទុកជាបតិកភណ្ឌ័ក្នុងសាសនារបស់ជាតិ និងទុកជូនពុទ្ធបរិស័ទគោរពបូជាតរៀងរហូតទៅ៕
