ជំរុញឲ្យក្រសួង ស្ថាប័នពាក់ព័ន្ធ អង្គការដៃគូ ត្រូវបន្ដអនុវត្ដលើកកម្ពស់សិទ្ធិកុមារនៅកម្ពុជាឲ្យស្របតាមអនុសញ្ញាអង្គការសហប្រជាជាតិនៅវិទ្យាស្ថានជាតិអប់រំ បានប្រារព្ធពីធីខួបលើកទី២៥ឆ្នាំ នៃអនុសញ្ញាអង្គការសហប្រជាជាតិ ស្ដីពីសិទ្ធិកុមារ ដោយមានការអញ្ជើញចូលរួមជាគណអធិបតី លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច ។
មានប្រសាសន៍ក្នុងឱកាសនោះ លោកជំទាវ ម៉ែន សំអន បានជំរុញឲ្យក្រសួងស្ថាប័នពាក់ព័ន្ធ អង្គការដៃគូ ត្រូវបន្ដរៀបចំផែនការជាតិសម្រាប់អភិវឌ្ឍន៍ កុមារ ដោយប្ដេជ្ញាចិត្ដ រួមបញ្ចូលគ្នា បង្កើតនូវយន្ដការតាមដានការអនុវត្ដ និងបញ្ជ្រាបសកម្មភាព និងសូចនាករពាក់ព័ន្ធ ទៅក្នុងផែនការតាម វិស័យ ដើម្បីធានាឲ្យបានថា សិទ្ធិ កុមារត្រូវបានការពារ និងអនុវត្ដយ៉ាងពេញលេញ ក្នុងក្របខណ្ឌ័ទូទាំងប្រទេស និងស្របតាមអនុសញ្ញាអង្គការសហប្រជាជាតិ ស្ដីពីសិទ្ធិកុមារ ។
លោកជំទាវបានបន្ដថា រាជរដ្ឋាភិបាលបានបង្កើនថវិកា លើវិស័យសង្គមកិច្ច អប់រំ សុខាភិបាល នៅឆ្នាំ២០១៥ ចំនួន១៣,២ភាគរយ ធៀបនឹងច្បាប់ថវិកា ឆ្នាំ២០១៤ ក្នុងគោលដៅធ្វើឲ្យប្រជាជនទទួលបានសេវា សង្គមប្រកប ដោយសមធម៌ កាន់តែប្រសើរឡើង ជាពិសេសបម្រើដល់កុមារ ។បច្ចុប្បន្នកុមារនៅកម្ពុជា ត្រូវបានអង្គការស្ថាប័នដែលពាក់ព័ន្ធ បានយកចិត្ដទុកដាក់យ៉ាងខ្លាំង និងលើកកម្ពស់ ការពារគួរឲ្យកត់សម្គាល់ ប៉ុន្ដែកុមារនៅកម្ពុជាមួយចំនួន នៅតែប្រឈម នឹងបញ្ហាមួយចំនួនដ៍ដែល ។
ដូចជាអត្រាមរណភាពរបស់ទារក កុមារ និងមាតា នៅមានកម្រិតខ្ពស់នៅឡើយ បើប្រៀបធៀប ជាមួយបណ្ដាប្រទេសខ្លះក្នុងតំបន់ ។ វិស័យ អប់រំមានកុមារមួយចំនួន បានបោះបង់ចោលការសិក្សា និងរៀនត្រួតថ្នាក់នៅឡើយ ។
ហើយចំពោះកត្ដាកង្វះចំណេះដឹង កត្ដាភាពក្រីក្រ និងការអនុវត្ដច្បាប់នៅមានកម្រិត ការជួញដូរកុមារ អំពើហិង្សាលើកុមារ ពលកម្មកុមារ ពេស្យាកម្មកុមារ ប្រើប្រាស់គ្រឿងញៀន និងការស្នាក់នៅក្នុងមណ្ឌលកុមារច្រើនគ្នា កត្ដាទាំងអស់នេះហើយ ដែលធ្វើឲ្យប្រឈមខ្ពស់ចំពោះកុមារនៅកម្ពុជា ៕
