ខេត្តបន្ទាយមានជ័យប្រជាពលរដ្ឋជិត១០០នាក់នាំគ្នាលើកផាដាតវ៉ាប្រឆាំងនិងបុគ្គលបីនាក់ដែលមានបំណងរំលោភយកដីពួកគាត់ជាង៤ហិកតានៅក្រុងប៉ោយប៉ែតដើម្បីអោយអាជ្ញាធរខេត្តជួយរកយុត្តិធម៌ជូនពួកគាត់។ការតវ៉ានោះបានធ្វើឡើងនាព្រឹកថ្ងៃទី២៤វិច្ឆិការ២០១៤មុខសាលាខេត្តបន្ទាយមានជ័យ។
តំណាងប្រជាពលរដ្ឋបានប្រាប់ថាមូលហេតុដែលពួកគាត់លើកគ្នាមកតវ៉ានៅមុខសាលាខេត្តបន្ទាយមានជ័យដែលមានទាំងផាដាពាក្យស្លោកនិងរូបសម្តេចតេជោ ហ៊ុន សែន សម្តេចកិតិព្រិទ្ធបណ្ឌិត ប៊ុនរ៉ានី ហ៊ុនសែន ដែលជាឪពុកម្តាយនិងអាជ្ញាធរខេត្តបន្ទាយមានជ័យដើម្បីជួយរកយុត្តិធម៌ជូនប្រជាពលរដ្ឋ១១៨គ្រួសារដែលរស់នៅលើដីជាង៤ហិតារយះពេលជិត២០ឆ្នាំ ហើយមានដីដែលអាជ្ញាធរចែកនិងដីដែលទិញដែលដែលមាន
ទាំងប័ណ្ណកម្មសិទ្ធិដីធ្លីគ្រប់គ្នាស្ថិតនៅភូមិក្បាលស្ពាន២សង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យ។ តំណាងប្រជាពលរដ្ឋបានបន្តថា លុះនៅខែមេសាឆ្នាំ២០១៤នេះ ស្រាប់តែមានឈ្មោះ ញឹម ម៉ែន ដែលជាឪពុកឈ្មោះ ញឹម កុសល និងឈ្មោះ គឹម សារិន ជាអ្នកដើរក្តីតវ៉ាបានប្តឹងប្រជាពលរដ្ឋដោយចោទថា ពួកគាត់មករស់នៅលើដីរបស់គេដែលមានលិខិតកាន់កាប់ដីធ្លីពីឆ្នាំ១៩៩៧ដែលចុះហត្ថលេខាសម័យលោក ខៀវ រដ្ឋា(ជាមេឃុំប៉ោយប៉ែត)ដែលត្រូវបានខេត្តមិនទទួលស្គាល់មកប្តឹងប្រជាពលរដ្ឋទាំង១១៨គ្រួសារទៅសាលាដំបូងដោយទាមទារឲ្យប្រជាពលរដ្ឋសងជាសំណងប្រមាណ៥០ម៉ឺនដុល្លារ។ 
តំណាងបានប្រាប់ថា ការតវ៉ានៅសាលាក្រុងប៉ោយប៉ែត៤លើកមកហើយតែអាជ្ញាធរបានសន្យាថា៖ដោះស្រាយជូនតែមកដល់ពេលនេះមិនមានដំណោះស្រាយ។ ដូច្នេះហើយទើបប្រជាពលរដ្ឋនាំគ្នាមកតវ៉ានៅមុខសាលាខេត្តដើម្បីអោយអាជ្ញាធរខេត្តបន្ទាយមានជ័យរកយុត្តិធម៌ជូន។ ក្រោយ់ពេលតវ៉ាអាជ្ញាធរខេត្តបន្ទាយមានជ័យបានហៅតំណាងប្រជាពលរដ្ឋ៥នាក់ចូលទៅដោះស្រាយគឺលោកបានសន្យាថា៖អោយគណះកម្មការចុះទៅពិនិត្យមើលថា
តើអ្នកណារំលោភអ្នកណាបើតាមច្បាប់គឺប្រជាពលរដ្ឋបានប័ណ្ណកម្មសិទ្ធិដីធ្លីហើយរស់នៅជិត២០ឆ្នាំមកហើយដែលមានផ្ទះថ្មនិងដំណាំយូរអង្វែងទៀត៕
