ខេត្តបន្ទាយមានជ័យកាលពីព្រឹកថ្ងៃទី២៤ខែវិច្ឆកាឆ្នាំ២០១៤នៅសាលប្រជុំសាលាខេត្តបន្ទាយមានជ័យនៅសាល(ខ)មន្ត្រីជំនាញបានមកបើកកិច្ចប្រជុំសិក្សាគម្រោងកសាងផ្លូវជាតិលេខ៥(អាស៊ានហាវ៉េ)និងផលប៉ះពាល់លើប្រព័ន្ធធារាសាស្ត្រក្នុងខេត្តបាត់ដំបងនិងខេត្តបន្ទាយមានជ័យ។
ពិធីនេះមានការចូលរួម លោកអោមចាន់ថា អភិបាលរងខេត្តបន្ទាយមានជ័យលោក Anthony Gouleyទីប្រឹក្សាបច្ចេកទេស លោកគឹមសុវណ្ណប្រធាមន្ទីរសាធារណះការនិងដឹកជញ្ជូន។លោក Anthony.Gouley បានមានប្រសាសន៍ថាគាត់ចុះមកថ្ងៃនេះគឺមកសិក្សាគម្រោងកសាងផ្លូវជាតិលេខ៥ពីលើផលប៉ះពាល់ប្រព័ន្ធធារាសាស្ត្រចាប់ពីខេត្តបាត់ដំបងដល់ក្រុងប៉ោយប៉ែតខេត្តបន្ទាយមានជ័យ។
បើតាមការសិក្សាគម្រោងខេត្តបន្ទាយមានជ័យគឺរងផលប៉ះពាល់ធារាសាស្គ្រគឺច្រើនជាងខេត្តបាត់ដំបង។ លោក អោម ចិន្ថា អភិបាលរងខេត្តបន្ទាយមានជ័យបានមានប្រសាសន៍ថា គម្រោងកសាងផ្លូវជាតិលេខ៥ពីខេត្តបាត់ដំបងដល់ក្រុងប៉ោយប៉ែតខេត្តបន្ទាយមានជ័យមានប្រវែង៨៥.៣គីឡូម៉ែត្រគឺគម្រោងថវិការកម្ចីជប៉ុន(Jica)កសាងនៅឆ្នាំ២០១៧។
លោក គឹម សុវណ្ណ ប្រធានមន្ទីរសាធារណះការនិងដឹកជញ្ជូនខេត្តមានប្រសាសន៍ថា ផ្លូវដែលកសាងប្រវែង៨៥.៣គីឡូម៉ែត្រខេត្តបាត់ដំបងប្រវែង៤៥.៨គីឡូម៉ែត្រធ្វើផ្លូវវាងពីចំណុចវត្តកំណប់ដល់ស្ពានអូរតាគីប្រវែង២៣.១គីឡូម៉ែត្រ។ខេត្តបន្ទាយមានជ័យប្រវែង៣៩.៤គីឡូម៉ែត្រកសាងផ្លូវវាងចំណុចព្រែកជីកដល់ក្បាលស្ពានទឹកផ្លាខាងលិចប្រវែង៩គីឡូម៉ែត្រ។
លោកបានបន្តថា ការកសាងប្រភេទផ្លូវប្រភេទអាស៊ានហាយវ៉េប្រភេទ៤កន្លង២ទៅ២មកជាផ្លូវAC(បេតុកៅស៊ូ)ដែលមានប្រវែងប្រវែង៨៥.៣គីឡូម៉ែត្រទទឹងប្រវែង៤០ម៉ែត្រនិងទ្រូងផ្លូវប្រវែង២៣ម៉ែត្រនិងចិញ្ចើមផ្លូវសងខាងម្ខាងប្រវែង៨.៥ម៉ែត្រដើម្បីឲ្យខេត្តបន្ទាយមានជ័យកាន់តែរីកចំរើនមួយកំរិតទៀត៕
