ភ្នំពេញ ៖ បុរសម្នាក់បានទៅប្ដឹងសមត្ថកិច្ចទៅជួយអន្តរាគមន៍បន្ទាប់ពីត្រូវជនស្គាល់មុខម្នាក់ដេញចាក់ដោយមិនដឹងមូលហេតុ កាលពីវេលាម៉ោង៣និង១០នាទីយប់ឈានចូលថ្ងៃទី១២ខែមិនាឆ្នាំ២០១៤ត្រង់ចំណុចភោជនីយដ្ឋានទន្លេសាប តាមបណ្ដោយផ្លូវស៊ីសុវត្តិ ស្ថិតក្នុងសង្កាត់វត្តភ្នំជាប់គ្នាជាមួយសង្កាត់ស្រះចក ខណ្ឌដូនពេញ។
ប្រភពព័ត៌មានពីបុរសរងគ្រោះឈ្មោះ ចន្ថា អាយុ៣៥ឆ្នាំមុខរបររត់ម៉ូតូឌុប ស្នាក់នៅផ្ទះជួលនៅសង្កាត់មានជ័យ ខណ្ឌមានជ័យ បានអោយដឹងថា នៅមុនពេលកើតហេតុគាត់បានមកអង្គុយលេងនៅសួនច្បារក្បែរនិងភោជនីយដ្ឋានទន្លេសាប ជាមួយប្រពន្ធគាត់ឈ្មោះ ចាន់ ឆាយគីម អាយុ៣៩ឆ្នាំមុខរបរជាអ្នកដើរប្រមូលខោអាវអោយគេ នៅតាមទូក ខណៈនោះស្រាប់តែពេលគាត់កំពុងតែអង្គុយលេងនោះក៏មានជនមិនស្គាល់មុខម្នាក់បាន
ជិះម៉ូតូមួយគ្រឿងមិនស្គាល់ម៉ាកបានឈប់គេ រួចរត់សំដៅមករកគាត់រួចក៏ជននោះទាញ់កូនកាំបិតមួយមកដេញចាក់គាត់និងប្រពន្ធគាត់ តែដោយគាត់ព្យាយាមរត់គេចពីជនមិនស្គាល់នោះ រត់ទៅឲ្យគេជួយ ហើយក៏ជនមិនស្គាល់នេះដើរមកយកកាំបិតមកចាក់និងកង់ម៉ូតូរបស់គាត់ ហើយថែមទាំងស្រែកថាអញជាមេនៅកន្លែងគ្មានអ្នកហ៊ានជាមួយអញឡើយ ថ្ងៃក្រោយកុំឲ្យអញឃើញមុខទៀត រួចក៏ជនមិនស្គាល់នេះឡើងជិះគេគេចទៅបាត់តែម្តង។
ក្រោយពេលកើតហេតុនេះប្រហែលជា២០នាទីសមត្ថកិច្ចបានចុះមកដល់កន្លែងកើតហេតុនិងនាំជនរងគ្រោះទៅប៉ុស្ពិ៏នរគបាលរដ្ឋបាលវត្តភ្នំដើម្បីសួរនាំនិងដាក់ពាក្រប្តឹងផងដែរ៕
