ភ្នំពេញ ៖ ម៉ូតូស្កុបពីបុកជាមួយម៉ូតូ ស្តេប បណ្តាលឲ្យមានមនុស្ស របួសធ្ងន់ និងស្រាលពីរនាក់ កាលពីវេលាម៉ោង ៣និង១០នាទីយប់រំលងអាធ្រាតនៅស្តុបព្រះមុនីវង្ស កែងនិង ផ្លូវលេខ ១៨៤ ស្ថិតនៅសង្កាត់ បឹងរាំង ខណ្ឌដូនពេញ ។
ព្រភពព័ត៌មានបានឱ្យដឹងថា បុរសម្នាក់ជិះម៉ូតូ ស្កុបពី ពណ៌ក្រហម ពាក់ស្លាកលេខ ភ្នំពេញ 1BQ-6503ជិះតាមផ្លូវមុនីវង្ស ទិសដៅ ពីត្បូងទៅជើង ចំណែក ម៉ូតូមួយគ្រឿងទឿតម៉ាក ស៊ុយស៊ូគីស្តេប ពណ៌ខ្មៅ ពាក់ស្លាកលេខ ភ្នំពេញ 1O-8526 បើកបញ្ច្រាស់ទិសគ្នា ជាមួយម៉ូតូស្កុបពី ពីជើងទៅត្បូងតាមផ្លូវ ព្រះមុនីវង្ស ។
សាក្សីឃើញហេតុការឱ្យដឹងថា គេឃើញម៉ូតូស្កុបពី ជិះខាងឆ្វេងផ្លូវ ទើបមកដល់ចំណុចកើតហេតុ ម៉ូតូស៊ុយស៊ួគីស្តេបដែលជិះត្រូវផ្លូវ បុកពេញទំហឹង បណ្តាលឱ្យ យុវជន ជិះម៉ូតូស៊ុយស៊ូគីស្តេប រងរបួស ធ្ងន់ម្នាក់ ស្រាល ម្នាក់ ។បន្ទាប់ពីកើតជនបង្កពីជិះគេច បាត់ស្រមោល ។ជនរងគ្រោះគេនាំទៅសំរាកព្យាបាល គ្លីនិកឯកជនផងដែរ។
ក្រោយពេលកើតហេតុសមត្ថកិច្ចបានចុះវាស់វែងយកម៉ូតូទាំងពីរគ្រឿងទៅរក្សាទុកនៅខណ្ឌ ដូនពេញរងចាំការដោះស្រាយនាពេលក្រោយ៕
