ក្រុងប៉ោយប៉ែត៖ទីតាំងអធិការដ្ឋាន នគរបាលក្រុងប៉ោយប៉ែត ត្រូវបានរៀបចំបញ្ជុះបឋមសិលា សាងសង់ជាថ្មីដែលមានកំពស់៣ជាន់ ឯណោះ ដោយសារទីតាំងចាស់ មានសភាពទ្រុឌទ្រោម ធ្ងន់ធ្ងរបំផុតម្យ៉ាងទៀតនោះ រាល់ពេលរដូវវស្សា ចូលមកដល់ម្តងៗ គឺទីតាំងនេះ រងនៅការលិចលង់ដោយជំនន់ទឹកភ្លៀង បង្កការលំបាកដល់ការបំពេញភារកិច្ច របស់កងកម្លាំងខាងលើនោះ ជារៀងរាល់ឆ្នាំ។
ករណីបញ្ចុះបត្ថមសិលានេះ គឺកើតមាននៅក្នុងម៉ោង៣ ១០នាទី ល្ងាចថ្ងៃទី៥ ខែធ្នូ ឆ្នាំ២០១៤ដែលស្ថិតនៅក្នុងអធិការដ្ឋាននគរបាលក្រុងប៉ោយប៉ែតតែម្តង ខណះដែលមានការឯកភាពរួចហើយ ពីគណះបញ្ជាការឯកភាពខេត្ត និងស្នងការនគរបាលខេត្ត ទើបថ្នាក់ដឹកនាំរបស់អធិការដ្ឋាននគរបាលក្រុង សម្រេចចិត្តរុះរើទីតាំងចាស់ចេញតែម្តង ។
តាមការលើកឡើងរបស់លោកអុំសុផល អធិការដ្ឋាននគរបាលក្រុងបានបញ្ជាក់ថា ផ្ទៃដីរបស់អធិការរដ្ឋានចាស់ គឺមានទំហំ២០គុណ៤០ ហើយមានអគារចាស់ ប្រភេទតូចៗចំនួន៤កន្លែង លោកបានបន្តទៀតថា រាល់រដូវវស្សាមកដល់ម្តងៗ គឺជំនន់ទឹកភ្លៀងបានលិចត្រឹមជង្គុងឯណោះ ហើយមានការលំបាកក្នុងពេលដែលកំពុងបំពេញភារកិច្ចជាប្រចាំ លោកអុំ សុផល បានបន្តទៀតថា ការធ្វើលោកនេះ គឺលើកដីកំពស់១ម៉ែត្រ ហើយកសាងអគារតែមួយខ្នង
ប៉ុណ្ណោះគឺមានកំពស់រហូតដល់៣ជាន់ ហើយចែកចេញ ជាការរិយាល័យនិមួយៗសម្រាប់អោយកងកម្លាំងធ្វើការងាយស្រួលទាន់ចិត្ត នៃតម្រូវរបស់ការរបស់ប្រជាពលរដ្ឋ និងបំរើរការងារជូនប្រមុខរាជរដ្ឋាភិបាលទៀតផង លោកក៏បានបន្ថែមទៀតថា ក្រុងប៉ោយប៉ែតគឺជាតំបន់មួយជា់ប់ព្រំដែននៃប្រទេសថៃ ដែលមានច្រករបៀងនិងច្រកអន្តរជាតិ ដែលខាងមន្ត្រីនគរបាលរបស់លោក កំពុងតែបន្តសហការយ៉ាងសកម្ម ជាមួយនិងកងកម្លាំង
ប្រដាប់អាវុធ នគរបាលជាតិផ្សេងៗទៀត នៅតាមខ្សែរបន្ទាត់ព្រំដែនកម្ពុជាថៃ ជាពិសេសការកសាងអគារថ្មីនេះ ជាទុនមួយសម្រាប់ អោយមានទីធ្លាដ៏ធំ និងស្រឡះ សម្រាប់បំរើការងារផង និងសម្រាប់ធ្វើទីតាំងឃាត់ខ្លួនជនសង្ស័យ ទៀតផង លោកក៏បានបន្ថែមទៀតថា ចំពោះថិវការក្នុងការចំណាយ កសាងអគារថ្មីនេះ ពុំដឹងចំនួនប៉ុន្មាននោះទេ ហើយថវិការទាំងនោះ បានមកពីសប្បុសជននានាជួយជ្រោមជ្រែង កសាងនៅទីអធិការដ្ឋានរបស់លោកអោយបានសម្រេចពីដើមរហូតដល់ចប់ ៕
