ភ្នំពេញ ៖ បុរសម្នាក់ត្រូវបានគេប្រទះឃើញដេកស្លាប់នៅក្នុងបន្ទប់លេខ៥០១ ជាន់ទី៤ នៃក្លឹបកម្សាន្តសូល ដែលមានទីតាំងស្ថិតនៅក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោងជាង៦ ល្ងាច ថ្ងៃទី ៩ ធ្នូ ២០១៤ ។
តាមការឲ្យដឹងពីម្ចាស់សណ្ឋាគារថា ជនរងគ្រោះប្រហែលជាស្លាប់តាំងពីម៉ោង៣និង៣០នាទីរសៀលម្ល៉េះ ទើបតែភ្ញាក់ផ្អើលនៅល្ងាចថ្ងៃទី៩ធ្នូនេះ ។
ជនរងគ្រោះត្រូវបានគេស្គាលថាឈ្មោះឈ្មោះ នន់ សុផានី អាយុ៥០ឆ្នាំមុខរបរ ជាអនុប្រធាននាយកដ្ឋានអន្តោប្រវេសន៍ក្រសួងមហាផ្ទៃ មានស្រុកកំណើតភូមិត្រពាំងសេះ ឃុំគោកចក ខេត្តសៀមរាប ។
គេនៅមិនទាន់ដឹងថាបុរសខាងលើស្លាប់ដោយសារមូលហេតុអ្វីពិតប្រាកដនៅឡើយទេ ដោយពេលនេះសមត្ថកិច្ចកំពុងតែពិនិត្យ និង ធ្វើកោសល្យវិច័យ ៕
Ads
