កំពត ៖ រថយន្តពីគ្រឿងដឹកឈើក្រញូងបំរុងឆ្លងដែនទៅប្រទេសវៀតណាមតាមច្រកតន់ហនត្រូវបានកំលាំងគយសហការជាមួយកងរាជអាវុធហត្ថដោយមានបញ្ជាផ្ទាល់ពីលោកឯកឆេងហួតព្រះរាជអាជ្ញាអមសាលាដំបូងខេត្តកំពតដឹកនាំគឹម សំលេងព្រះរាជអាជ្ញារងខេត្តកំពត។
ហេតុការណ៍បង្ក្រាបនេះបានប្រព្រឹត្តកាលពីវេលាម៉ោង៧និង២០នាទីយប់ថ្ងៃទី១១ ខែធ្នូ ឆ្នាំ២០១៤ លើកំណាត់ផ្លូវជាតិលេខ៣៣ស្ថិតក្នុងភូមិ ស្រុកអង្គជ័យ ខេត្តកំពត។
ជុំវិញកាលបង្ក្រាបនេះលោកកងជីនសួគា៍ជំនួយការសាខាគយរដ្ឋាករខេត្តកំពតបានប្រាប់អោយដឹងថាក្រោយពីបានទទួលបញ្ជាពីលោកសំសុខាប្រធានសាខាគយបានទទួលព័ត៌មានសំងាត់រួចក៏បញ្ជាអោយលោកដឹកនាំកំលាំងសហការជាមួយកងរាជអាវុធហត្ថខេត្តពួនស្ទាក់ឃាត់រថយន្តបានពីគ្រឿងមួយម៉ាក់កាមរីពាក់ស្លាក់លេខភ្នំពេញ2E-6896សាំយ៉ុងពាក់ស្លាក់លេខកំពង់ស្ពឺ2A3047បានដឹកឈើចំនួន២៥ដុំក្នុងនោះឃាត់មនុស្ស៤នាក់កំពុងសួរនាំនៅទីបញ្ជាការកងរាជអាវុធហត្ថ។
លោកជួនសារ៉ានាយខណ្ឌរដ្ឋបាលព្រៃឈើកំពតបានប្រាប់អោយដឹងថាក្រោយពីបានធ្វើការពិនិត្យឈើឃើញឈើទាំងអស់២៥ដុំមិនមែនឈើក្រួងទេគឺជាប្រភេទឈើគគីដែកបិតក្រញូងខាងក្រៅ។
លោកជួនសារ៉ាបានបន្តថា ចំណែកឈើនិងរថយន្តត្រូវបានសមត្ថកិច្ចយកមករក្សាទុកនៅខណ្ឌរដ្ឋបាលព្រៃឈើកំពត រីឯមនុស្ស៤នាក់លោកបានកសាងសំណុំរឿងបញ្ជូនទៅតុលាការ៕
