ការធ្វើចរាចរណ៍នានានៅទូទាំង ប្រទេសប៊ែលហ្ស៊ីក ក្នុងនោះមានជើង ហោះហើរ ការធ្វើដំណើរតាមរថភ្លើង ក៏ ដូចជាកម្មករនៅរោងចក្រកាត់ដេរទាំង អស់…បាននាំគ្នាដង្ហែក្បួនធ្វើបាតុកម្ម ទូទាំងប្រទេសដែលជាបាតុកម្មទ្រង់ទ្រាយ ធំបំផុតមិនធ្លាប់មានធ្វើឱ្យសកម្មភាព នានានៅក្នុងប្រទេស
នេះជាប់គាំងទាំង ស្រុង ។ គោលដៅនៃការធ្វើបាតុកម្ម ប្រឆាំងទៅនឹងការកែទម្រង់ប្រាក់ខែ ពេលចូលនិវត្ដន៍ និងកាត់បន្ថយមូលនិថិ រដ្ឋាភិបាលបានធ្វើឱ្យបុគ្គលិក កម្មករ ពលករបាត់បង់ផលប្រយោជន៍ជាច្រើន។
សរុបជើងហោះហើរជាង៦០០នៅ អាកាសយានដ្ឋានអន្ដរជាតិទីក្រុងប្រ៊ុច សែល ប្រទេសប៊ែលហ្ស៊ីកមិនអាចហោះ ហើរឬចុះចតបានឡើយក្នុងរយៈពេល ២៤ម៉ោងចាប់តាំង ពីថ្ងៃទី១៥ ខែធ្នូ ។ អ្នកនាំពាក្យក្រុមហ៊ុនអាកាសចរណ៍នៅ ទីក្រុងប្រ៊ុចសែល លោកហ្វ័ររែន បាន បញ្ជាក់ថា ជើងហោះហើរទាំងអស់ត្រូវ លុបចោល អ្វីគ្រប់យ៉ាងត្រូវផ្អាកទាំង ស្រុង ។
ចំណែកសេវាកម្មចរាចរណ៍ ផ្លូវរថ ភ្លើងល្បឿនលឿនតភ្ជាប់ពីទីក្រុងប្រ៊ុច សែលទៅកាន់អង់គ្លេសក៏ត្រូវផ្អាក ។ ចរាចរណ៍រថភ្លើងទៅកាន់ទីក្រុងនីល ប្រទេសបារាំង, ទៅកាន់ប្រទេសអាល្លឺ ម៉ង់, ហុល្លង់ ក៏ត្រូវបានលុបចោលដូច គ្នា។ នៅកំពង់ផែមមាញឹកបំផុតនៅ តំបន់អឺរ៉ុប ស្ថិតក្នុងប្រទេសនេះគឺកំពង់ ផែ Antwerp ក៏ត្រូវបានផ្អាកទាំងស្រុង។ នាវាដឹកទំនិញធំៗជាង៥០គ្រឿងមិន អាចចូលចត ឬចាកចេញពីកំពង់ផែ នោះឡើយ ។ ទាំងរថយន្ដតាក់ស៊ី និងរថ យន្ដក្រុង និងមធ្យោបាយធ្វើដំណើរនានា ក៏ត្រូវបានផ្អាកដើម្បីចូលរួមមហាបាតុ កម្មនោះ ។
សហជីពកម្មករប៊ែលហ្ស៊ិកបានឡើង គម្រោងធ្វើមហាបាតុកម្មនេះជាច្រើន សបា្ដហ៍កន្លងមកក្នុងគោលដៅទាមទារ ផលប្រយោជន៍ជូនដល់ពលរដ្ឋទាំងអស់។
ការធ្វើមហាបាតុកម្មប្រឆាំងទៅនឹង គោលនយោបាយព្យួរក្រពះប៊ែលហ្ស៊ិក បានចាប់ផ្ដើមតាំងពីដើមខែមកម្ល៉េះ ពេលនោះមានពលរដ្ឋប្រមាណ១សែន នាក់ដង្ហែក្បួនធ្វើបាតុកម្មក្នុងទីក្រុងប្រ៊ុច សែលបង្កឱ្យមានប៉ះទង្គិចគ្នាជាមួយ កម្លាំងសន្ដិសុខ ធ្វើឱ្យប៉ូលិស១១២នាក់ រងរបួស ។
រដ្ឋាភិបាលប៊ែលហ្ស៊ីកមានគម្រោង សន្សំសំចៃថវិកាចំណាយរបស់រដ្ឋ ប្រមាណ១១ពាន់លានដុល្លារ ប្រសិនបើ អនុវត្ដគោលនយោបាយកែទម្រង់ ។ ប៉ុន្ដែគោលនយោបាយមួយចំនួនដែល បានអនុម័តធ្វើឱ្យប្រជាពលរដ្ឋមិន សប្បាយចិត្ដនោះឡើយ ក្នុងនោះការ ដំឡើងអាយុចូលនិវត្ដន៍ពី៦៥ឆ្នាំដល់ ៦៧ឆ្នាំ និងកាត់បន្ថយប្រាក់ខែ ពេលចូល និវត្ដន៍ទៀតផង 9
