សៀមរាប៖ជនសង្ស័យជូញដូរនិងប្រើប្រាស់គ្រឿងញៀន៣នាក់ត្រូវបាននគរបាលប្រឆាំងគ្រឿងញៀនខេត្តចាប់ឃាត់ខ្លួនបញ្ជូនទៅស្ថាប័នតុលាការកាលពីម្សិលម៉ិញនេះ។ ការឃាត់ខ្លួននេះធ្វើឡើងខណៈពួកគេកំពុងចែកចាយនៅតាមដងផ្លូវសារធារណៈកាលពីវេលាម៉ោង១៦និង២០នាទីថ្ងៃទី១៤ខែមិនាឆ្នាំ២០១៤ស្ថិតនៅចំនុចមុខធនាគារកាណាឌីយ៉ាក្នុងភូមិមណ្ឌល១សង្កាត់ស្វាយដង្គំក្រុង/ខេត្តសៀមរាប។
លោកអ៊ុំសាអាតនាយការិយាល័យប្រឆាំងគ្រឿងញៀននៃស្នងការនគរបាលខេត្តបានថ្លែងថាក្នុងប្រត្តិការនេះជនសង្ស័យទាំង៣នាក់ដែលត្រូវចាប់ខ្លួនរួមមាន ទី១ឈ្មោះ នឿម ពិសិដ្ឋ ហៅគ្រួចភេទប្រុសអាយុ១៨ឆ្នាំមុខរបរមិនពិតប្រាកដស្នាក់នៅ
ភូមិចុងកៅស៊ូសង្កាត់ស្លក្រាមក្រុងសៀមរាប(ជួញដូរ)និងទី២ឈ្មោះណនប៊ុនហុងភេទប្រុសអាយុ២៥ឆ្នាំមុខរបរជាងម៉ូតូនៅវត្តដំណាក់រស់នៅភូមិបឹងដូនប៉ាសង្កាត់ស្លក្រាមក្រុងសៀមរាប(ប្រើប្រាស់និងសម្រួលឲ្យប្រើប្រាស់)និងទី៣/ឈ្មោះបូរ៉ាវីឡាប៊ូសភេទប្រុសអាយុ២២ឆ្នាំមុខរបរលក់ដូរបោះដុំស្នាក់នៅភូមិស្លក្រាមសង្កាត់ស្លក្រាមក្រុងសៀមរាប(ប្រើប្រាស់និងសម្រួលឲ្យប្រើប្រាស់)។
ក្នុងការបង្ក្រាបបទល្មើសនេះសមត្ថកិច្ចដកហូតបានវត្ថុតាងរួមមាន៖(ម្សៅមេតំហ្វេតាមីនចំនួន២កញ្ចប់តូច,ទូរស័ព្ទដៃចំនួន៤គ្រឿងនិងម៉ូតូម៉ាកអាយខុនព័ណលឿងលាយសស៊េរីឆ្នាំ២០១២ពាក់ស្លាកលេខសៀមរាប10104មួយគ្រឿងព្រមទាំងឧបករណ៏ប្រើប្រាស់គ្រឿងញៀនមួយចំនួនទៀត។
មន្ត្រីប្រឆាំងគ្រឿងញៀនបន្ថែមថាក្រោយពេលឃាត់ខ្លួននិងសួរចម្លើយរួចរាល់ហើយសមត្ថកិច្ចជំនាញប្រឆាំងគ្រឿងញៀនខេត្តបានកសាងសំណុំរឿងជនសង្ស័យនិងវត្ថុតាងបញ្ជួនទៅកាន់តុលាការខេត្តសៀមរាបនៅរសៀលថ្ងៃទី១៥ខែមិនាឆ្នាំ២០១៤ម្សិលម៉ិញដើម្បីចាត់ការតាមនីតិវិធីច្បាប់៕ 
