ខេត្តឧត្តរមានជ័យ បទល្មើសព្រៃឈើនៅក្នុងខេត្តឧត្តរមានជ័យ កំពុងតែចរាចយ៉ាងគគ្រឹកគក្រេងអាណាធិបតេយ្យ ក្រោមរូបភាព មធ្យោបាយដឹកជញ្ជូនតាមរយៈរថយន្តរបស់កងទ័ព អង្គភាពកងពលតូចដឹកជញ្ជូនលេខ៩៩ដោយធ្វើការដឹកជញ្ជូនពីស្រុកត្រពាំងប្រាសាទ ខេត្តឧត្តរមានជ័យ ឆ្ពោះទៅស្រុកអង្គរជុំខេត្តសៀមរាប និងឆ្ពោះទៅខេត្តបន្ទាយមានជ័យ ។
សកម្មភាពដឹកជញ្ជូនបទល្មើសព្រៃឈើ ក្រោមរូបភាព រថយន្តរបស់កងទ័ពបានដឹកជញ្ជូនទាំងយប់ទាំងថ្ងៃ ជារៀងរាល់ថ្ងៃ ដោយក្រុមឈ្មួញរកស៊ីបទល្មើសព្រៃឈើមួយក្តាប់តូចជាមន្ត្រីយោធា ដែលរកស៊ីជាអាជីព ។ សព្វថ្ងៃគេសង្កេតឃើញ ការដឹកជញ្ជូនបទល្មើសព្រៃឈើ របស់ក្រុមឈ្មួញជាច្រើនក្រុម នៅខេត្តឧត្តរមានជ័យ ដែលប្រើប្រាស់រូបភាពរថយន្តអង្គភាពរបស់កងទ័ពជាមធ្យោបាយ ដោយសាតែសកម្មភាពនៃរូបភាពខាងលើ ដែលមន្ត្រីជំនាញរដ្ឋបាលព្រៃឈើ ក៏ដូចជាស្ថាប័នមានសមត្ថកិច្ច នៅតាមបណ្តាស្រុកនីមួយៗ មានការលើកលែង ដោយយោគយល់ ថាជារបស់កងទ័ព ។
ដោយក្រុមឈ្មួញដែលប្រើប្រាស់រថយន្ត របស់អង្គភាពកងទ័ពដឹកជញ្ជូនបទល្មើសព្រៃឈើ បានលើកឡើងថា ប្រសិនបើមានការបង្ក្រាប របស់សមត្ថកិច្ចក៏ដូចជាជំនាញរដ្ឋបាលព្រៃឈើ យ៉ាយហោចណាស់គឺអូសរឹបយកឈើតែប៉ុណ្ណោះ មិនហ៊ានអូសរឹមយករថយន្តរបស់កងទ័ពនោះទេ ព្រោះជារថយន្តរបស់រដ្ឋ ដែលដាក់ប្រចាំការតាមបណ្តាអង្គភាព សម្រាប់តម្រូវការចាំបាច់ គ្រប់ ២៤ម៉ោង ។
រថយន្តកងទ័ពរបស់អង្គភាព កងពលតូចដឹកជញ្ជូនលេខ ៩៩ ដែលប្រចាំការតាមទិសនៃគោលដៅ នៅតាមបណ្តាអង្គភាព នៅជាប់ខ្សែបន្ទាត់ព្រំដែន កម្ពុជា -ថៃ ដែលជាតម្រូវការរបស់កងទ័ព បានប្រែក្លាយទៅជាមធ្យោបាយដឹកជញ្ជូន បទល្មើសព្រៃឈើ សម្រាប់ក្រុមឈ្មួញ ស្ទើអស់ទៅហើយ ។
ដែលបុគ្គលខិលខូចមួយក្តាប់តូច ដែលមានតួនាទីជាមន្ត្រីយោធា រកស៊ីបទល្មើសព្រៃឈើជាអាជីព យករថយន្តអង្គភាព យកទៅប្រើប្រាស់ឯកជន រកប្រយោជន៍សម្រាប់សង្គមគ្រួសារទៅវិញ ។
តែទោះជាយ៉ាងណា ចំពោះការយករថយន្តរបស់អង្គភាពទៅប្រើប្រាស់ខុសគោលដៅប្រកបអាជីពផ្សេងៗ បែបអាណាធិបតេយ្យ បើមិនមានការអនុញ្ញាតិ ពីមេបញ្ជាការអង្គភាព គឺមិនអាចប្រព្រឹត្តទៅយ៉ាងរលួនបែបនេះបានឡើយ ។បើតាមការលើកឡើងតបស់ប្រជាពលរដ្ឋនៅក្នុងខេត្តឧត្តរមានជ័យនៅតាមបណ្តាយផ្លូវជាតិ PR 174 បានលើកឡើងថារាល់ការដឹកជញ្ជូនបទល្មើសព្រៃឈើតាមរយ:រថយន្តរបស់កងទ័ពយ៉ាងគគ្រឹកគក្រេងអាណាធិបតេយ្យបែបនេះតើច្បាប់ស្តីពីព្រៃឈើទៅណាបាត់អស់ហើយដែលបុគ្គលខិលខូចមួយក្តាបតូចរកស៊ីបទល្មើសព្រៃឈើជាអាជីពបំផ្លាញទាំងព្រៃនិងរថយន្តរបស់រដ្ឋបែរជាគ្មានអ្នកមើលឃើញទៅវិញ។
ជុំវិញករណីខាងលើក្រុមការងារយើង មិនអាចស្វែងរកការទំនាក់ទំនង បកស្រាយពីមេបញ្ជាការកងពលតូចដឹកជញ្ជូនលេខ៩៩បានឡើយ។
ប៉ែន នួន
